Իսպանիայում նոր օրինագիծը երեխաներին կպարտադրի հարգել ծնողներին
Իսպանիայի խորհրդարանը հավանության է արժանացրել օրինագիծը, որը մանրամասն նկարագրում է երեխաների իրավունքներն ու պարտականությունները, հաղորդում է BBC News-ը:
Նոր օրինագիծը երեխաներին պարտադրում է տնտեսության մեջ օգնել ծնողներին. մասնավորապես նշվում է, որ մինչեւ 18 տարեկան երեխաները պարտավոր են մասնակցել ընտանեկան կյանքի բոլոր ոլորտներին, մասնավորապես «պատասխանատվություն կրել եւ հոգ տանել տան եւ տնտեսության խնամքի համար` անկախ սեռից եւ տարիքից»:
Բացի դրանից, երեխաները պարտավոր են նաեւ հարգել ծնողներին ու ուսուցիչներին եւ դրական վերաբերվել ուսմանը:
