Ադրբեջանցի զինծառայողը կրակել է իր ծառայակցի վրա
Ադրբեջանական APA լրատվական գործակալության փոխանցմամբ՝ ադրբեջանական բանակի զինվորը կրակել է իր ծառայակցի վրա: Չի հաղորդվել, թե որ շրջանի զորամասում է գրանցվել տվյալ միջադեպը:
Փոխարենը միայն հաղորդվել է, որ շարքային Աֆիյադդին Ջավադովն անվտանգության կանոնների խախտման հետևանքով հրաձգային զենքից կրակել է իր ծառայակից Նիջատ Հաջիզադեի վրա:
Վիրավոր զինծառայողը մահացել է հոսպիտալ տեղափոխվելու ճանապարհին: Ադրբեջանի ՊՆ-ի մամուլի ծառայությունը հաստատել է այդ փաստը: Հարուցվել է քրեական գործ, տարվում է հետաքննություն:
