«2 օրը մեկ խոսում ենք». Գանձասարի այցից հետո Ալեն Սիմոնյանը զրուցել է Հիքմեթ Հաջիևի հետ
Անվտանգության խորհուրդը պատրաստվում է արձագանքել Հիքմեթ Հաջիևին. այս մասին լրագրողների հետ զրույցում ասել է ԱԽ քարտուղար Ալեն Սիմոնյանը՝ հավելելով, թե արդեն ամեն ինչ ասված է, և միշտ չէ, որ Բաքվից հնչող բոլոր հայտարարությունները պետք է արձագանք ստանան։
«Պետք է գիտակցենք, դա ինչ-որ բան փոխելու է․․․ ես կարող եմ հիմա մի հատ սուր բան ասել, ինչ-որ ձևով արձագանքեմ, մենք բոլորս 15 րոպե մեզ լավ զգանք, բայց բանակցություններին ես դրանով վնաս տամ։ Մենք արդեն ասել ենք, որ խաղաղությանը պետք է խնամքով վերաբերվենք և սա այն դեպքն է, երբ այդ խնամքը պետք է ի ցույց դնել»,- ասել է նա։
Սիմոնյանը միայն ասաց՝ ինքն ու Հաջիևը գրեթե երկու օրը մեկ խոսում են:
Հիշեցնենք, որ սեպտեմբերի 11-12-ը Ադրբեջանում հավատարմագրված տասնյակ դիվանագետներ Ադրբեջանի նախագահի օգնական Հիքմեթ Հաջիևի ուղեկցությամբ այցելել էին օկուպացվածշ Արցախ, որտեղ, դիվանագետներին ներկայացնելով հայկական պատմամշակութային կոթողները, այդ թվում՝ Գանձասարն ու Դադիվանքը, Հաջիևը դրանք ներկայացրել է որպես «հին Կովկասյան Աղվանքի» քրիստոնեական ժառանգություն:
