Ղրիմի կառավարությունը պատրաստ է «Գազպրոմին» հատկացնել Սև և Ազովի ծովերի ածխաջրածնային հատվածները
Ռուսական ИТАР-ТАСС լրատվական գործակալության փոխանցմամբ՝ Ղրիմի կառավարությունը պատրաստ է «Գազպրոմին» հանձնել Սև և Ազովի ծովերի ածխաջրածնային հատվածները: Այս մասին լրագրողների հետ զրույցում հայտարարել է Ղրիմի նախարարների խորհրդի փոխնախագահ Նիկոլայ Յանակին:
Նրա խոսքերով՝ Ղրիմի կառավարությունը կողմ է, որ Ղրիմի ցամաքային հատվածները մնան որպես հանրապետական սեփականություն, իսկ շելֆի հատվածները նա պատրաստ է հանձնել ռուսական ընկերությունների ղեկավարմանը:
Նա հավելել է, որ շելֆային հանքավայրերի շահագործման լիցենզիաների տրամադրումն ու գրանցումն իրականացվելու են ռուսական օրենսդրությանը համապատասխան:
