Քառյակի նախագիծը ներկայացվեց խորհրդարանին
ԱԺ պատգամավորների մեկ երրորրդի կողմից քիչ առաջ խորհրդարանին ներկայացվեց «Կառավարության և Երևանի քաղաքապետարանի կողմից 2012-13 թթ. ընթացքում ազգաբնակչության և տնտեսվարող սուբյեկտների նկատմամբ լրացուցիչ վճարներ, տուրքեր, տուգանքներ, արագաչափեր, նկարահանող սարքեր, վճարովի ավտոկայանատեղեր, Երևանի մարդատար ուղևորափոխադրումների ուղեվարձի թանկացում, չշահագործվող ավտոմեքենաների պարտադիր ապահովագրության տուգանքներ սահմանելու միջոցով թաքնված հարկային բեռը ուսումնասիրող» ԱԺ ժամանակավոր հանձնաժողով ստեծելու մասին որոշման նախագիծը: Հիշեցնենք, որ քառյակի համատեղ նիստում խորհրդարանական ոչ իշխանական խմբակութունները որոշում են ընդունել հանդես գալ ժամանակավոր հանձնաժողով ստեղծեու առաջարկով, և այս առնչությամբ կազմակերպել էին ստորագրահավաք: ԱԺ նախագահ Հովիկ Աբրահամյանը ամբիոնից հայտարարեց, թե նախագիծն արդեն ներկայացված է, և քննարկվելու է արտահերթ կարգով:
