Սև ծովում մեկնարկել են ԱՄՆ-ի, Բուլղարիայի ու Ռումինիայի ռազմածովային ուժերի զորավարժությունները
Բրիտանական Reuters լրատվական գործակալության փոխանցմամբ՝ այսօր Սև ծովի արևմտյան հատվածում մեկնարկել են ԱՄՆ-ի, Բուլղարիայի ու Ռումինիայի ռազմածովային ուժերի համատեղ զորավարժությունները: Դրանք պետք է սկսվեին երեկ, սակայն հետաձգվել էին եղանակային անբարենպաստ պայմանների պատճառով:
Զորավարժությունների անցկացումը պլանավորվել է դեռևս 2013 թվականին: Դրանց մասնակցում են Բուլղարիայի ռազմածովային ուժերի «Դրիզկի» ֆրեգատը, Ռումինիայի ռազմածովային ուժերի երեք նավ և ամերիկյան Truxtun էսկադրոնային ականակիրը: Համատեղ վարժանքների նպատակը ՆԱՏՕ-ի անդամ երկրների ռազմածովային ուժերի օպերատիվ համատեղելիության բարձրացումն է:
