Ուկրաինայի նախագահի աշխատակազմի ղեկավար է նշանակվել Անդրեյ Կլյուևը
ZN.UA-ի փոխանցմամբ՝ Ուկրաինայի նախագահ Վիկտոր Յանուկովիչը Անդրեյ Կլյուևին նշանակել է Ուկրաինայի նախագահի աշխատակազմի ղեկավարի պաշտոնում: Այս մասին հայտնել է նախագահի կայքը:
Յանուկովիչի հրամանով՝ Կլյուևին ազատել են Ազգային անվտանգության ու պաշտպանության խորհրդի քարտուղարի պաշտոնից, որը նա զբաղեցնում էր 2012 թվականի փետրվարի 15-ից:
Հունվարի 17-ին Յանուկովիչը պաշտոնանկ էր արել նախագահի աշխատակազմի ղեկավար Սերգեյ Լևոչկինին, ինչից հետո նրան նշանակել էր իր խորհրդական: Լևոչկինը նախագահի աշխատակազմը գլխավորել է 2010 թվականի փետրվարի 25-ին:
