348 բացահայտված հարկային հանցագործություն՝ 11 ամսում
Անցած տարի հունվար-նոյեմբերին Պետական եկամուտների կոմիտեն բացահայտել է 348 հարկային հանցագործություններ, որոնց վերաբերյալ ՊԵԿ հետաքննության վարչության կողմից հարուցվել են քրեական գործեր: Ըստ ՊԵԿ կայքում ներկայացված վիճակագրության, քր.գործերի արդյունքում վերականգնվել է ընդհանուր առմամբ 2 մլրդ 875 մլն դրամ:
Ուշագրավ է, որ եթե տարվա առաջին ամիսներին ՊԵԿ-ի հարուցած քր.գործերի թիվը չի գերազանցել տասնյակը, ապա հոկտեմբերի և նոյեմբերին այն կտրուկ աճել է՝ կազմելով համապատախանաբար 77 և 223 գործ: Սակայն ուշագրավ է նաև, որ գումարային առումով «ամենաառատ» ամիսը եղել է մարտը՝ մոտ 700 մլն դրամ:
