Մաքսային միության մեջ Հայաստանի մտնելու «ճանապարհային քարտեզը» ստորագրվելու է դեկտեմբերի 24-ին. աղբյուր
Ռուսական РИА Новости լրատվական գործակալության փոխանցմամբ՝ Մաքսային միության մեջ Հայաստանի մտնելու վերաբերյալ «ճանապարհային քարտեզը» ստորագրվելու է դեկտեմբերի 24-ին Մոսկվայում՝ Եվրասիական ինտեգրացիոն միության նիստում:
Այս մասին լրագրողների հետ զրույցում հայտնել է դեկտեմբերի 2-ին Հայաստան ժամանած Ռուսաստանի նախագահ Վլադիմիր Պուտինին ուղեկցող պատվիրակության կազմում եղած աղբյուրը.
«Մենք նախագահների համար նախապատրաստում ենք ստորագրվելիք փաստաթղթերը: Մաքսային միությանը Հայաստանի անդամակցելու վերաբերյալ «ճանապարհային քարտեզը» ստորագրվելու է դեկտեմբերի 24-ին, Մոսկվայում՝ Եվրասիական ինտեգրացիոն միության նիստում»:
