Սիրիան կարող է վերածվել երկրորդ Սոմալիի. Բրահիմի
Al Arabiya հեռուստաալիքի փոխանցմամբ՝ Սիրիան կարող է վերածվել երկրորդ Սոմալիի, եթե չդադարեցվի այդ երկրում տիրող արյունահեղությունը: Այս մասին հայտարարել է Սիրիայի հարցով ՄԱԿ-ի ու ԱՊԼ-ի հատուկ ներկայացուցիչ Լախդար Բրահիմին:
Նա ընդգծել է, որ աջակցում է Սիրիայում նոր կառավարության ստեղծմանը: Բրահիմիի խոսքերով՝ սիրիացիներն իրենք պետք է որոշեն, թե ով է երկրում լինելու իշխանության ղեկին: Սիրիական հակամարտության հետևանքով զոհվել է ավելի քան 115.000 մարդ:
