Բևեռացումը խորանում է
Հայաստանում բնակչության բևեռացումը՝ ըստ սպառման և եկամուտների, նախորդ տարիների համեմատ ավելացել է: Ազգային վիճակագրական ծառայության մասնագետների իրականացրած ուսումնասիրության համաձայն՝ ըստ եկամուտների ցուցանիշի բնակչության բևեռացումն ավելի խորն է սպառման ցուցանիշի համեմատ:
2012թ.-ին սպառման անհավասարությունը, որը չափվում է Ջինի գործակցով, ավելացել է` կազմելով 0.269` 2008թ.-ի 0.242-ի համեմատ: Ըստ ամբողջական եկամուտների, անհավասարությունն ավելացել է` կազմելով 2012թ.-ին 0.372` 2008թ.-ի 0.339-ի համեմատ:
