Յանուկովիչն ու Պուտինը Մոսկվայում քննարկել են առևտրային-տնտեսական հարցեր
Интерфакс-Украина լրատվական գործակալության փոխանցմամբ՝ Ուկրաինայի նախագահ Վիկտոր Յանուկովիչը նոյեմբերի 9-ին աշխատանքային այցով մեկնել է Մոսկվա, ուր և հանդիպել է իր ռուս գործընկեր Վլադիմիր Պուտինի հետ: Այս մասին լրագրողների հետ զրույցում հայտարարել է Ռուսաստանի նախագահի մամլո քարտուղար Դմիտրի Պեսկովը:
Վերջինիս հաղորդմամբ՝ հանդիպման ժամանակ կողմերը քննարկել են Ռուսաստանի ու Ուկրաինայի միջև առևտրային-տնտեսական հարցեր: Դա տեղի է ունեցել նոյեմբերի վերջին Վիլնյուսում կայանալիք ԵՄ-ի «Արևելյան գործընկերության» գագաթաժողովի շեմին:
