Արցախցի երիտասարդները մտահոգություն են հայտնել Սերժ Սարգսյանի` Մաքսային միություն մտնելու հայտարարության վերաբերյալ
aravot.am –ը տեղեկացնում է, որ արցախցի մի խումբ երիտասարդներ մտահոգություն են հայտնել Սերժ Սարգսյանի` Մաքսային միություն մտնելու հայտարարության վերաբերյալ:
«Մենք, արցախցի մի խումբ երիտասարդներ, ցանկանում ենք մեր մտահոգությունը հայտնել ՀՀ նախագահ Սերժ Սարգսյանի կողմից Հայաստանի մաքսային միություն մտնելու մասին արված հայտարարության վերաբերյալ: Մեր կարծիքով տվյալ քայլը վտանգ է ներկայացնում Հայաստանի ինքնիշխանության համար և կոչ ենք անում ՀՀ իշխանություններին հաշվի նստել հասարակության կարծիքի հետ: Նման որոշումները պետք է կայացվեն միմիայն հանրային լայն քննարկումների միջոցով` օգտագործելով ժողովրդի կամարտահայտման համար գոյություն ունեցող հնարավոր մեխանիզմները»,-ասված է հայտարարության մեջ:
