Եվրամիությունը դեմ է Սիրիայում ռազմական գործողություններին
Եվրամիությունը հինգշաբթի առաջին անգամ հստակեցրել է Սիրիայի հարցով իր դիրքորոշումը` հայտարարելով խնդրի բացառապես քաղաքական լուծման նպատակահարմարության մասին:
Եվրոպական առաջնորդների մեծ մասի տեսակետից տարբերվում է Ֆրանսիայի նախագահի դիրքրոշումը, ով դեմ չէ միջամտությանը, սակայն սպասում է ԱՄՆ կոնգրեսի որոշմանը:
Եվրահանձնաժողովի ղեկավար Ժոզե Մանուել Բարոզուն եւ Եվրոպական խորհրդի նախագահ Հերման վան Ռոմպեյը հինգշաբթի միաձայն հայտարարել են, որ Սիրիայում հակամարտության լուծումը կարող է միայն քաղաքական լինել: «Եվրամիությունը համոզված է, որ ջանքեր պետք է գործադրվեն քաղաքական կարգավորման ուղղությամբ»,-ասել է Բարոզուն այսօր Սանկտ Պետերբուրգում մեկնարկած «Մեծ քսանյակի» գագաթնաժողովի շրջանակում կայացած ճեպազրույցի ժամանակ:
