ԵԱՀԿ Մինսկի խմբում ամերիկացի նորանշանակ համանախագահը շուտով կայցելի տարածաշրջան
Ռուսական Regnum լրատվական գործակալության փոխանցմամբ՝ ԵԱՀԿ Մինսկի խմբում ամերիկացի նորանշանակ համանախագահ Ջեյմս Ուորլիքը շուտով կայցելի տարածաշրջան: Այս մասին նա գրել է Twitter-ի իր միկրոբլոգում.
«Մոտ ժամանակներս ես կայցելեմ Հայաստան, Ադրբեջան ու Լեռնային Ղարաբաղ, որպեսզի ջանքեր գործադրեմ խնդրի կարգավորմանը հասնելու համար»:
ԱՄՆ պետքարտուղար Ջոն Քերին ԵԱՀԿ Մինսկի խմբում ամերիկացի նոր համանախագահի պաշտոնում Ջեյմս Ուորլիքի նշանակման մասին հայտարարել էր օգոստոսի 6-ին: Ուորլիքն իր նոր պարտականություններին ձեռնամուխ է լինելու նոյեմբերին:
