Ադրբեջանի ՊՆ-ը պատասխանել է Իրանի ռազմածովային ուժերի հրամանատարին
Ադրբեջանական Trend լրատվական գործակալության փոխանցմամբ՝ Ադրբեջանի ռազմածովային ուժերի արդիականացման ուղղությամբ երկրի տարածքային ջրերում տարվող աշխատանքներն ուղղված չեն այլ երկրների դեմ:
Այս մասին հայտարարել է Ադրբեջանի պաշտպանության նախարարության մամլո ծառայության պետ, գնդապետ Էլդար Սաբիրօղլուն՝ մեկնաբանելով Իրանի ռազմածովային ուժերի հրամանատար, դերծովակալ Հաբիբոլլահ Սայարիի հայտարարությունը.
«Ադրբեջանի կողմից երկրի տարածքային ջրերում աշխատանքներ տանելն իր ինքնիշխան իրավունքն է: Ռազմածովային ուժերի սպառազինումը, արդիականացումը չպետք է գնահատվի որպես մեկ այլ երկրի դեմ ուղղված քայլ: Այստեղ խոսք չի կարող լինել տարածաշրջանի խաղաղությանն ու կայունությանը որևէ վնաս հասցնելու մասին»:
