Հովհաննես Ազոյան. «Հայաստանի իշխանություն, քո սեփական դավաճանի ձեռքով էլ կսպանվես մի օր»
Հայտնի շոումեն Հովհաննես Ազոյանը ֆեյսբուքյան իր էջում անդրադարձել է Կոմիտասի 5-ի դեպքերին: Նա իր էջում տեղադրել է civilnet-ի տեսանյութը, որում երևում է՝ ինչպես են ոստիկանները բռնի ուժ կիրառելով ակտիվիստներին հեռացնում փողոցից ու նստեցնում ոստիկանական մեքենաները և կատարել է հետևյալ գրառումը.
«Հայաստանի իշխանություն, դու երբեք չես արժանանա քո ժողովրդի հարգանքին ու վստահությանը, որովհետև քո թիմում են խաղում անգրագետները, ոստիկանի կոչումից զզվող ոստիկանները, կնոջը ստորացնողները, աշխատել չսիրողները, ոգով կաշառակերները, քծնողները, չտեսներն ու դավաճանները… ու քո սեփական դավաճանի ձեռքով էլ կսպանվես մի օր…. Ցավում եմ»:
