11 միջոց աշխատանքում երջանկություն գտնելու համար
Ամերիկյան «Forbes» ամսագիրը ներկայացնում է 11 խորհուրդ աշխատանքում երջանկություն գտնելու համար:
- Եթե որևէ վատ բան է կատարվում, Ձեզ մի՛ մեղադրեք: Հասկացե՛ք՝ ինչ է կատարվել, բայց գնահատականներ մի՛ տվեք: Աշխատե՛ք անել այն, ինչ պարտավոր եք, մի՛ զրկվեք հանգստությունից և բավարարվածությունից:
- Արագ վերականգնվե՛ք անհաջողություններից հետո: Պետք չէ ժամանակ ծախսել մեղավոր փնտրելու և ինքներդ Ձեզ մեղադրելու համար:
- Աշխատանքի վայրում երջանկություն գտնելու համար կարևորագույն քայլերից մեկը վիրավորանքների մասին մոռանալն է:
- Ժամանակ մի՛ ծախսեք կոլեգայի հաջողություններին նախանձելով: Երբ Դուք նախանձում եք որևէ մեկին, խոստովանում եք, որ աշխարհը շատ փոքր է, և այնտեղ այլևս հաջողություն չի մնացել Ձեզ համար:
- Կյանքի իմաստ փնտրե՛ք ինքներդ Ձեր և ոչ թե աշխատանքի մեջ:
- Մարդկանց որպես ռոբոտներ մի՛ ընդունեք: Մի՛ գնահատեք նրանց այն տեսանկյունից, թե ինչ դեր կարող են վերջիններս խաղալ Ձեր կարիերայի հարցում: Վերաբերվե՛ք նրանց որպես մարդիկ:
- Խնդիրների մեծամասնությունը, որոնք Ձեզ թույլ չէին տալիս քնել 10 տարի առաջ, անհետացել են: Այն խնդիրները, որոնք մեզ անհանսգտացնում են այժմ, ևս ժամանակի ընթացքում ծիծաղելի են թվալու: Հասկացե՛ք այս ճշմարտությունը և այն Ձեզ համար նոր հնարավորություններ կստեղծի:
- Շատերը վստահ են, որ երջանիկ կարող են լինել այն ժամանակ, երբ զբաղեցնեն գլխավոր տնօրենի պաշտոնը և բարձր աշխատավարձ ստանան: Չկա որևէ բան, որին պետք է հասնենք երջանիկ լինելու համար:
- Կենտրոնացեք ընթացքի, ոչ թե արդյունքի վրա:
- Պետք չէ աշխատավայրում անմարդկային լինել. մտածե՛ք մյուս մարդկանց մասին:
- Մի քանի խնդիրների միաժամանակ լուծումն աշխատավայրում երջանկություն չգտնելու խոչընդոտներից մեկն է: Դա նշանակում է, որ Դուք միանգամից մի քանի բան վատ եք անում և դրա վրա ավելի շատ ժամանակ եք ծախսում:
