ՄԱԿ-ն ու Սիրիան արդյունավետ են համարել քիմիական զենքի վերաբերյալ անցկացված բանակցությունները
Ռուսական РИА Новости լրատվական գործակալության փոխանցմամբ՝ ՄԱԿ-ը ու Սիրիայի կառավարությունը արդյունավետ են համարել հուլիսի 24-25-ին Դամասկոսում քիմիական զենքի վերաբերյալ անցկացված բանակցությունները: Այս մասին նշված է հանդիպման արդյունքներով նրանց տարածած համատեղ հայտարարությունում:
Բանակցությունների ժամանակ քննարկվել է Սիրիայի տարածքում քիմիական զենքի կիրառման վերաբերյալ ստացված հաղորդագրությունների շուրջ հետաքննություն անցկացնելու հնարավորությունը:
Սիրիայի իշխանություններն ու ընդդիմությունը քիմիական զենքի կիրառման վերաբերյալ փոխադարձ մեղադրանքներ են հնչեցրել միմյանց նկատմամբ: Սիրիական հակամարտության հետևանքով զոհերի քանակն արդեն իսկ գերազանցել է 100.000-ի սահմանագիծը:
