Վլադիմիր Պուտինի ու Հասան Ռոուհանիի առաջին հանդիպումը կարող է տեղի ունենալ սեպտեմբերին
Իրանական Fars լրատվական գործակալության փոխանցմամբ՝ Ռուսաստանի ու Իրանի նախագահներ Վլադիմիր Պուտինի ու Հասան Ռոուհանիի առաջին հանդիպումը կարող է տեղի ունենալ Շանհայի համագործակցության կազմակերպության (ՇՀԿ) գագաթաժողովի շրջանակներում, որը պետք է տեղի ունենա այս տարվա սեպտեմբերին:
Այս մասին գործակալությանը հայտնել է Մոսկվայում Իրանի դեսպանատանը եղած աղբյուրը: Վերջինիս հաղորդմամբ՝ ներկա պահին Իրանի կառավարության օրակարգում չկա Ռուսաստանի նախագահի այց Իրան:
Ավելի վաղ Իրանի կառավարությունում եղած աղբյուրները հաստատել էին, որ Ռուսաստանի նախագահի այցը Թեհրան պլանավորված է եղել օգոստոսի կեսին, սակայն Կրեմլը չէր հաստատել այդ տեղեկատվությունը:
