«Դանդաղ տղաները» ջրավազանում ատրճանակի օգնությամբ ստեղծել են փոքր պտտահողմեր (տեսանյութ)
The Daily Mail-ի փոխանցմամբ՝ The Slow Mo Guys անվանմամբ բրիտանական դուետը, որը մասնագիտացած է դանդաղեցված նկարահանման մեջ, You Tube վիդեոհոսթինգում են տեղադրել իրենց նոր տեսագլուխգործոցը: Այս անգամ Գեյվինն ու Դենը փոքր պտտահողմերի շարք են առաջացրել ջրավազանում:
Այդ նպատակով նրանք օգտագործել են 9 միլիմետր տրամաչափի ատրճանակ, ինչպես նաև մեծ արագություն ունեցող Phantom V1610 տեսախցիկ, որն ունակ է շարժումը գրանցել իրականից 1000 անգամ դանդաղեցված տեսքով: Այդ ամենը նկարահանելկու համար նրանք ընդամենը 4 աստիճան տաքությամբ ջրով ավազանում անցկացրել են մոտ մեկ ժամ:
