Սիրիայի քրդերի առաջնորդն անսպասելիորեն ժամանել է Ստամբուլ
Թուրքական Hürriyet թերթի փոխանցմամբ՝ «Քրդստանի աշխատավորական» կուսակցության (PKK) սիրիական թև համարվող Դեմոկրատական միություն կուսակցության (PYD) առաջնորդ Սալիհ Մուսլիմը երեկ Էրբիլից (Հյուսիսային Իրաք) ժամանել է Ստամբուլ:
Դա տեղի է ունեցել տեղական ժամանակով ժամը 04.30-ին: Ակնկալվում է, որ նրա այցը կտևի երկու օր: Այցը որակվել է որպես «անսպասելի» և տեղի է ունեցել այն բանից մեկ օր անց, ինչ Թուրքիայի վարչապետ Ռեջեփ Էրդողանն արտակարգ խորհրդաժողով է հրավիրել՝ կապված հիմնականում Սիրիայի հյուսիսում ընթացող իրադարձությունների հետ:
