Microsoft-ը կտրուկ նվազեցրել է Surface RT պլանշետի գինը
Suface RT պլանշետային համակարգչի բոլոր տարբերակների գները նվազել են 150 դոլարով: Surface RT-ի 32 Գբ տարբերակն այժմ արժե ընդամենը 350 դոլար, իսկ 64 Գբ-ն` 450 դոլար: Իսկ, օրինակ, Ավստրալիայում բոլոր պլանշետները դարձել են ավելի էժան 180 տեղական դոլարով:
Նշվում է, որ հավանաբար պլանշետների գների նվազումը կապված է Microsoft-ի նոր սերնդի Surface RT պլանշետի թողարկմամբ, որը նախատեսված է մոտ ապագայում:
Հիշեցնենք, որ Microsoft Surface RT պլանշետների վաճառքը մեկնարկել է նախորդ տարվա հոկտեմբերի 26-ին:
