Սամվել Բալասանյանին սպասարկող և նրա եղբորը պատկանող «Range Rover»-ի վրայից հանվել են անօրինական օգտագործվող ԱԺ համարանիշները
Այսօր՝ հուլիսի 2-ին, Ճանապարհային ոստիկանության 2-րդ սպայական գումարտակի 2-րդ վաշտի տեսուչի կողմից վարչական պատասխանատվության է ենթարկվել Երևանի բնակիչ Գարիկ Պետրոսյանը: Ըստ shamshyan.com-ի` Գարիկ Պետրոսյանը Գյումրիի քաղաքապետ ԲՀԿ-ական Սամվել Բալասանյանի վարորդն է, ով վարում է Երևան քաղաքի Արաբկիր վարչական շրջանի բնակիչ Խաչատուր Բալասանյանի անվամբ հաշվառված «Range Rover» մակնիշի՝ 11 OO 035 համարանիշի ավտոմեքենան: Ֆոտոլրագրողը հայտնում է, որ նրա նկատմամբ վարչական ակտ է կազմվել այն բանի համար, քանի որ ավտոմեքենայի դիմապակու սահմանված տեղում չի ունեցել փակցված ԱՊՊԱ և տեխզննման կտրոնները: Նշված ավտոմեքենայի վրա էլ տեղադրված է եղել ՀՀ Ազգային Ժողովի հաշվեկշռում գրանցված 060 OO 01 համարանիշները:
Ըստ տեղեկությունների՝ նշված համարանիշներն արդեն փոխանցվել են Ազգային Ժողով, քանի որ քաղաքապետ Ս. Բալասանյանն իրավունք չուներ նշված համարանիշները տեղադրել իրեն սպասարկող իր եղբորը պատկանող «Range Rover»-ի վրա: Հիշեցնենք, որ ավելի վաղ ֆոտոլրագրող Գագիկ Շամշյանը անդրադառնալով Գյումրիի ԲՀԿ-ական քաղաքապետ Սամվել Բալասանյանին, ով աշխատանքի է մեկնում «Range Rover» մակնիշի 060 ՕՕ 01 համարանիշի ավտոմեքենայով, գրել էր, թե արդյոք Ս. Բալասանյանը երբևիցե նկատե՞լ է, որ ավտոմեքենայի դիմապակուց բացակայում է ԱՊՊԱ և տեխզնման կտրոնները:
Կարդացեք այստեղ.
