PKK-ի կողմից Թուրքիայի տարածքը լքելու գործընթացը կավարտվի սեպտեմբերի 1-ին
Թուրքական Sabah թերթի փոխանցմամբ՝ «Քրդստանի աշխատավորական» կուսակցության (PKK) զինյալների կողմից Թուրքիայի տարածքը լքելու գործընթացն ավարտվելու է այս տարվա սեպտեմբերի 1-ին:
Այդ գործընթացը մեկնարկել է այս տարվա մայիսի 8-ին: Դրան հաջորդած 45 օրվա ընթացքում PKK-ի զինյալներն ամբողջովին լքել են Հաքքարի, Շըրնաք, Վան, Մարդին, Դիարբեքիր, Սիիրթ (Սղերթ), Մուշ, Բիթլիս և Բինգյոլ (Բյուրակն) նահանգները:
Արդեն իսկ մեկնարկել է Թուրքիայի սևծովյան գոտուց, ինչպես նաև Թոքաթի ու Սվազի (Սեբաստիա) նահանգներից զինյալների վերջին խմբերի հեռանալու գործընթացը:
Հիշեցնենք, որ օրեր առաջ էլ նույն աղբյուրը հայտնել էր, որ ներկա դրությամբ Թուրքիայի տարածքը լքել է PKK-ի զինյալների 2/3-ը:
