«Բորժոմին» ռուսական շուկայում կարող է հայտնվել վրացական գինուց ավելի շուտ
Новости-Грузия լրատվական գործակալության փոխանցմամբ՝ «Բորժոմի» հանքային ջուրը ռուսական շուկայում կարող է հայտնվել մայիսի վերջին-հունիսի սկզբին: Իսկ ահա վրացական գինին ռուսական շուկայում կարող է հայտնվել հունիսի կեսին-հուլիսին:
Ռուսաստանը վրացական գինիների, հանքային ջրի ու գյուղմթերքի ներկրման վրա բեռնարգելք է դրել 2006 թվականի գարնանը՝ Վրաստանի հետ հարաբերությունների սրման ֆոնին: Մոտ ժամանակներս Վրաստանում սպասում են ռուս փորձագետների երրորդ տեսչական այցին:
Առաջին տեսչական այցն իրականացվել է այս տարվա փետրվարի 25-ից մարտի 1-ին, իսկ երկրորդ այցը՝ ապրիլի 2-5-ին:
