Արտասահմանաբնակ իրանցիները կմասնակցեն Իրանի նախագահական ընտրություններին
Իրանական Fars լրատվական գործակալության փոխանցմամբ՝ աշխարհի 120 երկրում բնակվող Իրանի քաղաքացիները կարող են մասնակցել Իրանում կայանալիք նախագահական ընտրություններին:
Օտար երկրներում գտնվող Իրանի դեսպանատներում ստեղծվելու են հատուկ ընտրատեղամասեր, ընդհանուր առմամբ՝ 280 ընտրատեղամաս: Դրանք ընտրությունների օրը կբացվեն տեղական ժամանակով ժամը 08.00-ին:
Իրանի փոխարտգործնախարար, արտասահմանում ընտրությունների դիտարկման բաժնի պետ Հասան Գաշգավին հույս է հայտնել, որ արտասահմանաբնակ իրանցիներն ակտիվորեն կմասնակցեն ընտրություններին:
Իրանում նախագահական ընտրություններն անցկացվելու են հունիսի 14-ին:
