ՄԱԿ-ի՝ Մարդու իրավունքների խորհուրդը զեկույց է ընդունելու Ադրբեջանի մասին
Ադրբեջանական APA լրատվական գործակալության փոխանցմամբ՝ Ադրբեջանում մարդու իրավունքների շուրջ ստեղծված իրավիճակը քննարկվելու է ՄԱԿ-ի՝ Մարդու իրավունքների խորհրդի 16-րդ նիստի շրջանակներում: Այդ նիստը Ժնևում տեղի է ունենալու ապրիլի 22-ից մինչև մայիսի 3-ն ընկած ժամանակահատվածում:
Ադրբեջանի մասին համապատասխան զեկույցն ընդունվելու է մայիսի 2-ին: Վերջին անգամ տվյալ կառույցն Ադրբեջանում մարդու իրավունքների շուրջ տիրող իրավիճակը քննարկել է 2009 թվականի փետրվարին:
