Իսրայելը Թուրքիային առաջարկել է գազատար կառուցել
Թուրքական Sabah թերթի փոխանցմամբ՝ Իսրայելը Թուրքիային առաջարկել է գազատար կառուցել նրա տարածքում՝ սեփական գազը համաշխարհային շուկաներ արտահանելու համար: Այս մասին հայտնել է Թուրքիայի կառավարությունում եղած աղբյուրը:
Իսրայելի առաջարկած նախագծի հզորությունը կազմում է 15-16 միլիարդ խորանարդ մետր: Իսրայելական կողմն առաջարկել է գազատարի կառուցման մեջ ներգրավել երկու երկրների մասնավոր սեկտորներին:
Ավելի վաղ Թուրքիայի էներգետիկայի ու բնական պաշարների նախարար Թաներ Յըլդըզը հայտարարել էր, որ թուրք-իսրայելական էներգետիկ նախագծերի իրագործումը հնարավոր է միայն երկու երկրների միջև հարաբերությունների կարգավորումից հետո:
