Աշնանը գնաճ չի սպասվում
Վերջին ժամանակներում տեղ գտած խոսակցություններն այն մասին, որ ներկայիս տնտեսական պայմաններում, հնարավոր է, տեղի ունենա սննդի ապրանքատեսակների գնաճ, տնտեսագետ, անկախ փորձագետ Հայկ Բալանյանը պատասխանեց. «Կարող է լինեն խոսակցություններ, սակայն, չեմ կարծում՝ իրականում գնաճ տեղի ունենա: Կասեմ ավելին՝ որ գնաճի վերաբերյալ տեղեկությունների հիմնական տարածողները ներկայիս գործող նախագահի իշխանության մաս կազմող «ընդդիմության» կողմից արված աղմուկն է: Միայն ներկա իշխանությունների մաս կազմող ուժերի ֆինանսական ռեսուրսներն են թույլ տալիս նմանատիպ փորձարկումներ և շշուկներ տարածել»:
Ըստ փորձագետի, առնվազն աշնանը գնաճ տեղի չի ունենա, քանզի աշնան ամիսները բերքառատ ամիսներ են, ու սննդամթերքի գների աճն այդքան էլ տեղին չէ: «Բերքահավաք է տեղի ունենում աշնանը, ինչի արդյունքում՝ ՀՆԱ-ն աճում է և, ըստ էության, հակառակ պրոցեսն է տեղի ունենում՝ գները նվազում են և ոչ թե՝ աճում»:
