«Այդ «պրոյեկտների» գործունեությունը շատ ավելի ակնհայտ դարձավ 2020 թվականից հետո, երբ ՀՀ իշխանությունը սկսեց թիրախավորել ռուս խաղաղապահներին, այդ ժամանակ «պրոյեկտներն» ակտիվացան։ Նրանք գնում էին, խաղաղապահների ռազմաբազայի մոտ ակցիա էին իրականացնում ու ասում էին, որ դա արցախահայերի պահանջն է, ինչն իրականությանը չէր համապատասխանում, բնականաբար։ Իսկ շրջափակման ժամանակ սկսեցին պահանջել, որպեսզի Ադրբեջանը միջանցք բացի, որպեսզի ցանկացողները հեռանան Արցախից»։
«Արմեն Աշոտյանին մեղադրում են լիազորություններ չարաշահելու, վատնում և փողերի լվացում կազմակերպելու մեջ: Պետք չէ լինել իրավաբան՝ հասկանալու համար, որ վատնում՝ նշանակում է գույքի անվերադարձ կորուստ, փողերի լվացման դեպքում պետք է լինի հանցավոր ծագում ունեցող փող, որը դու այլակերպում ես ու մի օր այդ փողն ունենում օրինական տեսքով, իսկ լիազորությունների չարաշահման պարագայում դու դուրս ես գալիս քո լիազորությունների սահմաններից, ինչ-որ մի ապօրինի հանձնարարություն ես տալիս մարդկանց»,- Արմեն Աշոտյանին վերագրվող արարքների բովանդակությունը նկարագրեց Տիգրան Աթանեսյանը:
