Երեկ երեկոյան, ինչպես և ակնկալվում էր, «Քաղաքացիական պայմանագիր» խմբակցությունը Բարձրագույն դատական խորհրդի (ԲԴԽ) իրավաբան-գիտնական անդամի՝ Գրիգոր Բեքմեզյանի հրաժարականից հետո առաջացած թափուր տեղի համար առաջադրեց Քննչական կոմիտեի (ՔԿ) նախկին նախագահ Հայկ Գրիգորյանի թեկնածությունը:
Երեկ 168.am-ը հանդես էր եկել մի հրապարակմամբ, որում մանրամասներ էր ներկայացրել Կարեն Անդրեասյանի՝ Բարձրագույն դատական խորհուրդ (ԲԴԽ) հաղթական մուտքից կարճ ժամանակ անց տեղի ունեցած սկանդալի մասին:
Իր աշխատասենյակի մուտքի մոտ վերջինս տեղադրել է մետաղական դետեկտոր, և ԲԴԽ անդամները, օրինակ, նախագահի աշխատասենյակ մտնելիս պետք է անպայման անցնեն այդ սարքի միջով: Այսինքն՝ Կարեն Անդրեասյանը ԲԴԽ անդամներին դիտարկում է՝ որպես պոտենցիալ ահաբեկիչներ:
