«Տիգրանս հավասարակշռված, զուսպ տղա էր, անգամ, երբ շատ փոքր էր, մանկապարտեզում ասում էին՝ այս տարիքում այսպես զուսպ, այսքան չափված-ձևված երեխա մենք չենք տեսել, միշտ հավասարակշռված, հանգիստ, երբեք ձայնը չէր բարձրացնի, իր խոսքն ինքը հանգիստ էր ասում»,- 168.am-ի հետ զրույցում ասաց Արցախում զոհված 19-ամյա Տիգրան Հարությունյանի մայրը՝ Ռուզաննա Ոսկանյանը:
168 TV ԼՐԱՀՈՍ
Հայաստանի հանրապետական կուսակցության (ՀՀԿ) խոսնակ, ՀՀԿ ԳՄ անդամ, Ազգային ժողովի (ԱԺ) նախկին փոխնախագահ Էդուարդ Շարմազանովն այսօր տեսաուղերձով հայ հասարակությանը վերահաստատել է Արցախի հիմնախնդրի վերաբերյալ ՀՀԿ դիրքորոշումը:
Նիկոլ Փաշինյանը հանդիպում է «Իմ քայլի» ներկայացուցիչների հետ․ ՈւՂԻՂ
Ինչպես արդեն տեղեկացրել էինք, մեր հավաստի աղբյուրների փոխանցմամբ՝ Արցախի երկու նախկին նախագահներ Արկադի Ղուկասյանն ու Բակո Սահակյանը հրատապ կերպով Արցախից եկել են Երևան ու քիչ առաջ Կառավարությունում հանդիպել են վարչապետ Նիկոլ Փաշինյանի հետ: Նրանց մտահոգել է երեկ ԱԱԽ նիստում և արտախորհրդարանական ուժերի հետ հանդիպումների ընթացքում ՀՀ վարչապետ Նիկոլ Փաշինյանի հնչեցրած տեղեկությունների բովանդակությունը։
Երևանի ավագանու նիստը. ՈւՂԻՂ:
«Այս պատերազմն ամբողջովին տարբերվում է թե՛ ապրիլյան պատերազմից, թե՛ 92-94թթ. արցախյան գոյամարտից. տարբերվում է կիրառվող զրահատեխնիկայի մասշտաբներով, քանակով, տեսակներով, մարդկային մեծ ռեսուրսների ներգրավմամբ և մեկ շատ կարևոր հանգամանքով՝ Թուրքիայի ակտիվ ներգրավվածությունն այս պատերազմում: Արդեն բոլորին պարզ է, որ Ադրբեջանը դարձել է խամաճիկ Թուրքիայի ձեռքում և կատարում է Թուրքիայի կամքը»,- 168TV-ի «Ռեվյու» հաղորդման ընթացքում ասաց միջազգայնագետ Լևոն Մնացականյանը:
Հոկտեմբերի 17-ին Հայաստանի և Ադրբեջանի ԱԳ նախարարությունները միաժամանակ հանդես եկան հայտարարությամբ մարդասիրական հրադադարի հայտարարման մասին, որը ձեռք էր բերվել ԵԱՀԿ Մինսկի խմբի համանախագահների ջանքերով և Ֆրանսիայի նախագահի անձնական միջնորդությամբ: Հրադադարի հաստատման մասին այս պայմանավորվածությունն Ադրբեջանը խախտեց, իսկ ավելի վաղ էլ խախտել էր հումանիտար զինադադարը, որը հայտարարվել էր Ռուսաստանի միջնորդությամբ։
13-ամյա Անի Ներսիսյանը մոտ 3 շաբաթ Երևանում կատարում է «տան մեծի» դերը: Անին Արցախից է Երևան եկել, Խոջալուից: 168.am-ի հետ զրույցում Անին ասաց, որ հայրն առաջնագծում է կռվում, բուժքույր մայրն էլ վիրավորվածների կյանքը փրկելու համար է կռիվ տալիս:
Վարչապետը հանդիպում է արտախորհրդարանական ուժերի հետ՝ ՈւՂԻՂ
Այսօր քայլերթ տեղի ունեցավ Մատենադարանից դեպի Հայաստանում ՄԱԿ-ի գրասենյակ: «Որտե՞ղ է ՄԱԿ-ը, ինչո՞ւ է լռում» խորագրով ցույցի կազմակերպիչները լրագրողների հետ զրույցում ասացին, որ Հայաստանում գործող միջազգային կառույցները ստեղծված իրավիճակում ակտիվություն չեն դրսևորում, մինչդեռ Ադրբեջանում ՄԱԿ-ի մշտական ներկայացուցիչն այցելել էր Գյանջա և թվիթերի իր էջում գրառում արել քաղաքացիական անձանց չթիրախավորելու մասին: «Իրավունքի Եվրոպա միավորում» ՀԿ նախագահ Լուսինե Հակոբյանը վստահեցրեց, որ սեպտեմբերի 28-ից հայկական կողմը փաստեր է ներկայացնում աշխարհին ադրբեջանաթուրքական ագրեսիայի հասցրած վնասների մասին, սակայն արձագանքը բավարար չէ:
168 TV ԼՐԱՀՈՍ:
«Որտե՞ղ է ՄԱԿ-ը, ինչո՞ւ է նա լռում». քայլերթ․ ՈՒՂԻՂ։
«Ինքս փորձում եմ ամբողջական պատմությունը, պատկերը ներկայացնել և ցույց տալ, որ Ադրբեջանն է հարձակվել Արցախի վրա և Արցախն է հայտնվել ծանր վիճակում և այդ պայմաներում պաշտպանվում է։ Իմ մեսիջն այն է, որ այս պատերազմի արդյունքում զոհվում են անմեղ մարդիկ, խաղաղ բնակչությունը թողնում է իր տունը, ծննդավայրը և հեռանում։ Բազմաթիվ երիտասարդներ են զոհվում, քանի որ պաշտպանում են իրենց հողը, հայրենիքը։ Կոչ եմ անում միջազգային հանրությանը, գերտերությունների ղեկավարներին, որպեսզի կանգնեն ազնվության, ճշմարտության կողքին։ Իսկ սա նշանակում է, որ նրանք պետք է ընդունեն, որ Արցախի ժողովուրդը պետք է որոշի, թե ինչ է ուզում, եթե արցախցիներն ուզում են լինել ազատ ու ապրել անկախ Արցախում, ուրեմն՝ նրա որոշումը պետք է ճանաչեն ու հարգեն»,- նշեց երգիչը։
Սեպտեմբերի 27-ից սկսած, երբ Ադրբեջանը լայնածավալ ռազմական գործողություններ սկսեց արցախաադրբեջանական սահմանին, հակամարտությունը հայտնվեց նաև միջազգային մամուլի ուշադրության կենտրոնում: Այս օրերին Հայաստանում են նաև Վրաստանի հանրային հեռուստաընկերության ներկայացուցիչները: Վրաստանի հանրային հեռուստաընկերության ներկայացուցիչ, լրագրող Ռատի Խվիստանին 168.am-ի հետ զրույցում ասաց, որ իրենց մյուս գործընկերներն այս օրերին աշխատում են Արցախում, իսկ ինքը Երևանից փորձում է վրաց ազգին ներկայացնել հակամարտության վերաբերյալ պաշտոնական տեղեկություններն ու մեկնաբանությունները:
Հոկտեմբերի 16-ին Ազգային ժողովի Մարդու իրավունքների պաշտպանության և հանրային հարցերի մշտական հանձնաժողովի նախագահ Նաիրա Զոհրաբյանն ու նախագահի տեղակալ Անի Սամսոնյանը նամակ էին ուղարկել ՀՀ-ում ՄԱԿ-ի մշտական ներկայացուցիչ Շոմբի Շարփին՝ կոչ անելով օբյեկտիվ գնահատել Արցախի դեմ տարվող պատերազմի իրողությունները, չսահմանափակվել միայն դատապարտող կոչերով և ձեռնարկել հրատապ միջոցներ Արցախում հումանիտար աղետը կանխելու նպատակով։ 168TV-ի եթերում հանձնաժողովի նախագահի տեղակալ և «Լուսավոր Հայաստան» խմբակցության պատգամավոր Անի Սամսոնյանը նշեց, որ ԱԺ համապատասխան հանձնաժողովը ողջ տարին ջանք ու եռանդ չի խնայում այդ կազմակերպության հետ, և՝ ոչ միայն, Հայաստանի ստորագրած կոնվենցիաներով սահմանված իր պարտավորությունների կատարման համար։
168.am-ի հետ զրույցում գյուղացիները պատմեցին, որ արդեն 3-րդ օրն է՝ Ոստան համայնքում գտնվող գինու գործարանը չի ընդունում իրենց բերքը, և, որ խոսքը հարյուրից ավելի մեքենաների մասին է:
«Ես մեր պատի տակ էի կանգնած, երեխեքը ներսում էին, մյուս տղայիս երեխաները ներսում էին, տղայիս տղան պոստում էր, Իգորն էլ շտապում էր, որ ավտոբուսը խոդի գցի, երեխեքին տանի պադվալ: Մեկ էլ տեսանք՝ եկավ ուղիղ մեջները խփեց, էն մի երեխես մնաց տեղում, մեր հարևանի հետ, անմիջապես մահացան: Հարսս՝ վիրավոր, մի կերպ էր կանգնում, մյուսներին օգնում էր, որ հավաքվեն ավտոբուսում»:
«Ուզում եմ հատուկ ընդգծել, որ ՀՀ քաղաքական դաշտի կուսակցություններն անցնող օրերի ընթացքում, այսինքն՝ պատերազմը հայտարարելուց հետո, ցուցաբերել են բացառիկ համերաշխություն և միասնականություն: Սեպտեմբերի 27-ին՝ պատերազմը հայտարարելուց ժամեր անց, Հայաստանի քաղաքական դաշտի շուրջ 14 քաղաքական ուժեր, մի կողմ դնելով բոլոր քաղաքական տարաձայնությունները, ընդգծեցին, որ բոլորս կանգնում ենք հայոց բանակի կողքին, հայոց երկու պետությունների կողքին, և իրենց բոլոր ուժերն ու հնարավորությունները ներդնելու են, որպեսզի միասնաբար կասեցնեն ագրեսոր թշնամու գործողությունները և միասնաբար հասնեն հաղթանակի»,- ասաց Իշխան Սաղաթելյանը:
Իշխան Սաղաթելյանը հրապարակում է մեկ տասնյակից ավելի կուսակցությունների հայտարարությունը․ ՈՒՂԻՂ
Վարուժան Սիրափյանն ընդգծեց՝ Պուտինին զանգահարելով՝ Էրդողանը ցանկացել է ուղիղ Ռուսաստանի հետ խոսել Արցախի հարցի վերաբերյալ՝ այդպիսով փորձելով բարձրացնել իր դերը. «Չեմ կարծում, որ իր դերի բարձրացումը կհաջողվի Թուրքիային, բայց Էրդողանն ուղիղ խառնվել է այդ գործընթացի մեջ: Դա անկարելի է: Չմոռանանք, որ բոլոր երկրները գոնե խոսքով ասացին, որ այս պատերազմը պետք է դադարի և խոսակցության անցնեն, միակ երկիրը, որ դա չասաց՝ Թուրքիան էր, որն ուզում է կրակի վրա յուղ լցնել և շարունակել»:
«Ավելին՝ Թուրքիան ավելացրեց իր ռազմական աջակցությունն Ադրբեջանին և նաև հայտարարեց, որ իր երկինքը փակում է ՀՀ մարդասիրական բեռներ տեղափոխելու համար, իսկ սա նշանակում է, որ Թուրքիան այլևս անթաքույց ցույց է տալիս, որ այս տարածաշրջանում ցանկանում է դառնալ խաղացող, իսկ Ռուսաստանը հասկացնում է Թուրքիային, որ պետք է երբևէ մտադրություն չունենա Մինսկի խմբի համանախագահություն ընդգրկվելու համար»,- ասաց Հարությունյանը՝ ընդգծելով, որ Թուրքիան բացահայտ ցույց է տալիս նաև, որ իր նպատակը հայերի մասով շարունակում է նույնը մնալ, այն է՝ իրականացնել հայերի ցեղասպանություն։
«Երկու պետություններ, որ այս տարածաշրջանում ունեն զգալի հետաքրքրություններ և բախվող շահեր, պերմանենտ բանակցությունների մեջ են՝ քննարկելու դիրքորոշումները: Այսպիսի գործակցության ձևաչափ մենք տեսել ենք նաև այլ տարածաշրջանների պարագայում՝ Սիրիա, Լիբիա և այլն, և կարծում եմ՝ երեկվա տեղի ունեցածը հենց այս տրամաբանության մեջ է պետք դիտարկել: Միևնույն ժամանակ, պատահական չէ Էրդողանի զանգի ժամը. այն տեղի է ունեցել անմիջապես վարչապետ Փաշինյանի ուղերձից հետո, որն ուղղված էր, առաջին հերթին, դրսի լսարանին: Այնտեղ հստակ կային ուղերձներ միջազգային հանրությանը, դեպի այն երկրներ, որոնք այս տարածաշրջանում ներգրավվածություն ունեին, և, ըստ էության, այդ զանգը նաև դրա տրամաբանական շարունակությունը կարելի է համարել»:
Արծրուն Հովհաննիսյանի և Գայանե Սահակյանի ասուլիսը՝ ՈՒՂԻՂ
Ինչ վերաբերում է Թուրքիայից ապրանքների ներկրմանը՝ ապա, ըստ տնտեսագետի, մենք Թուրքիայից տարեկան ներկրում ենք մինչև 270 միլիոն դոլարի ապրանք, իսկ միայն հագուստի ներկրումը Թուրքիայից վերջին մեկ տարվա ընթացքում ավելացել է 90 տոկոսով։
«Սեպտեբերի 27-ին սկսել են կրակելը, առավոտվանից, մենք էլ գնացինք մեր նկուղ, 2 օր մնացինք, տեսանք, որ սաստկանում ա, մեր տղան, թե՝ էս ձև չի շարունակվի, գնանք Երևան: Եկանք, կեսգիշերին էս ղաշանգ տղան դիմավորեց, բերեց ստեղ, մատաղ»,- 168.am-ի հետ զրույցում պատմում էր ստեփանակերտցի Սերգեյ Սարգսյանը:
Փոքրիկ Արցախ՝ Երևանի կենտրոնում: Պատերազմը սկսվելու հենց հաջորդ օրերին նկարիչ Հարությունն ու երաժիշտ Հովսեփն իրենց տուն-արվեստանոցում հյուրընկալել են Մոնիկային, Էրիկային, տիկին Ռոզային, նրանց հետ ու նրանց պես Արցախից Հայաստան եկած կանանց ու երեխաների:
