Սիրիայի նախագահ Բաշար Ասադը հայտարարել է, որ Թուրքիայի նախագահ Ռեջեփ Թայիփ Էրդողանը համաշխարհային քաղաքականության ոլորտում խուլիգանի դեր է խաղում, իսկ նրա ռեժիմը` «ֆաշիստական» է: Այս մասին հայտնում է ֆրանսիական I24TV հեռուստաալիքը:
Նրա համար մտահոգիչն ապրիլյան պատերազմի ժամանակ Պաշտպանության բանակի բացերի ու թերությունների հրապարակային քննարկումն էր. «Եթերով առարկայական և մանրամասն բարձրաձայնվում են բանակի սպառազինության խնդիրները, առաջնագծի համալրման անհրաժեշտությունը, և այլն, ինչով ակամա վտանգվում է առաջնագծում կանգնած զինվորն ու սպան, երևույթը հատկապես հարիր չէ բանակի շինարարության գործում ներդրում ունեցած, Զինված ուժերում բարձրագույն պաշտոններ զբաղեցրած անձանց: Կոչ եմ անում՝ դադարեցնենք բանակի թերությունների մասին բարձրաձայնումը»:
«Հարգելի արքեպիսկոպոս, ասացիք, թե «հայ ժողովրդի շրջանում տրավմա առաջացրած այս ցավը միջազգային քաղաքական դաշտում օգտագործելն իրականում դարձել է տխրելու և ցավելու աղբյուր»: Ճիշտ է, այս նամակը գրելու համար Ձեզ վրա արված ճնշումը մեզ համար տխրելու և ցավելու աղբյուր է: Թուրքիայի հայկական համայնքը վիրավորվել է ոչ թե այս բանաձևի ընդունումից (Գերմանիայի Բունդեսթագի բանաձևը-խմբ.), ինչպես նշել եք Դուք, այլ` Ձեր այս տողերից»,- նշել է «Ակոս»-ի խմբագրակազմը:
ԵԱՀԿ-ում նախագահող Գերմանիան աջակցում է ԵԱՀԿ Մինսկի խմբի ջանքերին՝ Լեռնային Ղարաբաղի հակամարտության գոտում ստեղծելու միջադեպերի հետաքննության մեխանիզմներ: Այս մասին Trend-ին հայտնել են ԵԱՀԿ-ում գերմանական նախագահության մամուլի ծառայությունից:
Հարցին, թե ինչպե՞ս կգնահատի Ռուսաստանի դերակատարությունն ապրիլյան ու դրան հաջորդած իրադարձություններում, ուկրաինացի վերլուծաբանն արձագանքեց՝ ասելով, որ Ռուսաստանն այսօր այնքան էլ լավ վիճակում չէ, որպեսզի արձագանքի նման իրավիճակներին: «Ռուսաստանի ջանքերը, առանց այն էլ, ձգված են լայն ճակատով, և, թեև ռևիզիոնիստական երկրները սովորաբար, մշտապես ձգտում են սրել իրավիճակը, Լեռնային Ղարաբաղում ապրիլի իրադարձություններում ես Ռուսաստանի միջամտությունը չէի դիտարկի»,- ասաց նա:
Այսօր ԱԺ-ոմ կրթության և գիտության նախարար Լևոն Մկրտչյանը լրագրողների հետ զրույցում նշեց, որ նախարարությունում կադրային կրճատումներ չեն լինի, կլինեն միայն տեղափոխություններ: Նա նշեց, որ կրճատելու ենթակա ծառայողական ավտոմեքենա էլ չունեն, նախարարությունում ընդամենը 3 ավտոմեքենա կա, իսկ նախկին նախարար Արմեն Աշոտյանին սպասարկող «Տուարեգն» այժմ չի շահագործվում:
«ՆԱՏՕ-ն ձգտելու է Լեռնային Ղարաբաղի հակամարտությունը վերադարձնել սառեցված կարգավիճակի»,- այս մասին «Ռեգիոն» հետազոտական կենտրոնի կազմակերպած առցանց մամլո ասուլիսի ընթացքում ասաց Ուկրաինայի Միջազգային հարաբերությունների հետազոտությունների կենտրոնի տնօրեն, ուկրաինացի վերլուծաբան Նիկոլայ Կապիտոնենկոն:
Ադրբեջանը Ռուսաստանին դիտարկում է որպես ռազմավարական գործընկեր, Ռուսաստանի դերը Ղարաբաղի հակամարտության կարգավորման հարցում կառուցողական է: Այս մասին լրագրողներին ասել է Ադրբեջանի նախագահ Իլհամ Ալիևը Գերմանիայի կանցլեր Անգելա Մերկելի հետ համատեղ մամուլի ասուլիսի ժամանակ:
Թուրքական կողմի մեղադրանքներն ու բողոքները՝ ուղղված Գերմանիայի Բունդեսթագի պատգամավորների հասցեին, որոնք քվեարկել են 1915թ. Օսմանյան Թուրքիայի կողմից իրականացված Հայոց ցեղասպանության ճանաչման բանաձևի օգտին, անհասկանալի են:
168.am-ի հարցին՝ ի՞նչ կարծիք ունի ՀՕՊ պայմանագրի մասին, որով, ըստ էության, Հայաստանը կկորցնի նաև օդային անկախությունը, դեսպանը պատասխանեց. «Եթե մեր երկինքը պետք է բաց լինի, ու մեզ ռմբակոծեն, դա՞ է լավ, թե՞ երկինքը ռուսները փակեն ու մեզ չռմբակոծեն: Ես ոչ Ռուսաստանին եմ պաշտպանում, ոչ էլ՝ հակառակը: Պետք է մենք կարողանանք խելոք լինել»:
Մեր այն հարցին, թե Արցախի հերոս Սամվել Բաբայանի ներուժն ինչպե՞ս կարող են օգտագործել Արցախում, Ա. Զաքարյանն այսպես պատասխանեց. «Ես չեմ ուզում գնահատականներ տալ, որովհետև դեռևս քաղաքական գործոն՝ որպես այդպիսին, չեմ տեսնում: Ցանկացած հայի վերադարձ հայրենիք ինքնին ողջունելի է, բայց վերադարձի նպատակները կարող են տարբեր լինել, կարծում եմ՝ առայժմ վաղ է որևէ մեկնաբանություններ անել այդ առումով»:
Գերմանիայի կանցլեր Անգելա Մերկելը կարծում է, որ Ռուսաստանը առանցքային դեր կխաղա Լեռնային Ղարաբաղի հակամարտության կարգավորման հարցում: Այս մասին հայտնում է RIA Novosti-ն:
Հրադադարի ռեժիմը շատ փխրուն է, Հայաստանը չի կարող վերահսկել իրավիճակը, և ստատուս քվոն չի կարող մնալ առաջվանը: Այս մասին, ինչպես հայտնում է APA գործակալությունը, այսօր Բեռլինում՝ Ադրբեջան-Գերմանիա տնտեսական ֆորումի բացման ժամանակ, հայտարարել է Ադրբեջանի նախագահ Իլհամ Ալիևը:
Ռուսաստանում երկու օր շարունակվող ցրտերն ու հորդառատ անձրևները կշարունակվեն: Ինչպես հայտնում է APA-ի թղթակիցը, Մոսկվայում օդի ջերմաստիճանը կնվազի մինչև -4 աստիճան:
Միացյալ Նահանգներն, օգտագործելով ֆինանսական պատժամիջոցների լծակը, 2015 թվականին արգելափակել է ահաբեկչական կազմակերպությունների՝ 37,6 միլիարդ դոլարի ակտիվներ, ինչը 30 տոկոսով ավելի է, քան 2014 թվականին: Այս մասին ասված է ԱՄՆ-ի ֆինանսների նախարարության զեկույցում, որը հրապարակվել է հունիսի 6-ին:
Այսօր Գերմանիայում տեղի կունենա Ադրբեջանի նախագահ Իլհամ Ալիևի և Գերմանիայի կանցլեր Անգելա Մերկելի հանդիպումը: Այս մասին հայտնում է գերմանական Spiegel-ը:
Իտալիայի նախկին վարչապետ Սիլվո Բեռլուսկոնին հիվանդանոց է տեղափոխվել սրտի հետ կապված խնդիրների պատճառով: Այդ մասին հայտնում է RaiNews հեռուստաալիքը՝ ավելացնելով, որ 79-ամյա Բեռլուսկոնին հիվանդանոցում կմնա մի քանի օր:
«Եթե այդ երկու-երեք հոգին կարծում են, որ Լեռնային Ղարաբաղի տերերն են, նրանք իրավունք ունեն «բարձր ոռնալ», պարզապես չեմ հասկանում, թե ինչպես են նրանք առաջ քաշում նման պահանջներ։ Ես կարծում եմ՝ Դուք ևս նույն հաջողությամբ կարող եք նման պահանջներ առաջ քաշել։ Որևէ կշիռ այդ պահանջը չունի, առավել ևս, երբ այն վերաբերում է պետության ճակատագրին։ Նրա կողմնակիցների ելույթները, նրանց ակտիվությունը սադրանք է»։
Եվրոպաբնակ ադրբեջանցիները հայերի խմբի հետ միասին ակցիա են անցկացնում Գերմանիայի կանցլեր Անգելա Մերկելի նստավայրի հարևանությամբ, գրում է haqqin.az-ը:
«Սա շատ խորը մասնագիտական հարց է, և ես չեմ կարծում, որ մեր ռազմաքաղաքական ղեկավարությունը նման հարցադրումները, բերելով հասցնելով խորհրդարան, մինչ այդ խորքային վերլուծության չի ենթարկել և խորը համոզմունք չունի այն մասին, որ նման լուծումը իսկապես օգտակար է Հայաստանի համար ռազմական խնդիրների լուծման իմաստով»,- ասաց Նաղդալյանը:
Կոռուպցիայի և կազմակերպված հանցավորության հետազոտության կենտրոնը (OCCRP) պնդում է, որ Ադրբեջանի նախագահ Իլհամ Ալիևի ընտանիքը 2015 թվականին մանաթի արժեզրկումից տասնյակ միլիոնավոր դոլարներ է աշխատել: Այս մասին հայտնում է BBC-ն:
ՀԱԿ խմբակցության քարտուղար Արամ Մանուկյանը մեզ հետ զրույցում նշեց, որ համաձայնագիրը 1995 թ. պայմանագրի հիման վրա է և ընդունելի փաստաթուղթ է: Նա նշեց, որ խմբակցությունում դեռ չեն քննարկել, թե ինչպես են քվեարկելու. «Հավանաբար կողմ կլինենք, որովհետև 95 թ. բոլոր պայմանագրերի շարունակությունն է»: Ի պատասխան շրջանառվող տեսակետներին, որ հայկական օդն էլ է հանձնվում ռուսներին, Ա.Մանուկյանը խորհուրդ տվեց «մանկական մոտեցումներ չընդունել»: «Այսպես թե այնպես, հայ-թուրքական սահմանը պահպանվում է հայ-ռուսական համատեղ հակաօդային պաշտպանության միջոցներով»,- ասաց Ա.Մանուկյանը:
«Եվրամիությունը չի համարվում օրենսդիր մարմին, այլ խորհրդատու մարմին է։ Մի քանի տարի առաջ Եվրամիությունն ընդունել է որոշում, որ Հայոց ցեղասպանությունն արժե ընդունել։ Իսկ Բունդեստագի այս որոշումը կապված է ներգերմանական խնդիրների հետ, ու ինձ համար ակնհայտ էր, թե ինչ հետևանքների դա կբերի։ Պարզ էր, որ թուրքերն ընդդիմադիր կեցվածք կընդունեն։ Գերմանիան դրանով լուծեց իր խնդիրները»,- այսօր լրագրողների հետ հանդիպման ընթացքում այս մասին նշեց ՌԴ-ից ժամանած քաղաքագետ Կարինե Գևորգյանը:
«Որևէ մեկը չի կարող ասել, թե հստակ ինչ է տեղի ունեցել, և տուժողի հայտարարությունը վարկաբեկելը, ասել, որ դրանք արժանահավատ չեն, դա ուղղորդված է և մատնանշում է, որ իրենք ունեն մեղավորություն այս բռնությունների կատարման մեջ: Սա շատ ցավալի է, որովհետև մենք խնդիր ունենք ժողովրդավար հանրապետություն ունենալու և տարբեր լինելու Ադրբեջանից»,- ասաց Զ.Փոստանջյանը:
Սերժ Սարգսյանն Ազգային ժողովի ընդունած մի շարք օրենքներ է ստորագրել:L
Անկարան ուղիղ բանակցություններ չի վարում Մոսկվայի հետ խոցված «Սու-24» ինքնաթիռի հետ կապված դեպքից հետո, սակայն կարծում է, որ դրանք անհրաժեշտ են, հայտարարել է Թուրքիայի արտգործնախարար Մևլյութ Չավուշօղլուն: Այս մասին տեղեկացնում է RIA Novosti-ն:
«Արցախն անկախ ու ժողովրդավար երկիր է և իշխանություններն ու բոլոր քաղաքական ուժերը հանդես են եկել հայտարարությամբ, հետևաբար` լավ կլիներ, եթե ՀՀ բոլոր քաղաքական ուժերը հանգիստ նստեն իրենց տեղն ու իրենց քիթը չխոթեն Արցախում ընթացող պրոցեսների մեջ»,- այսօր ԱԺ-ում լրագրողների հետ զրույցում հայտարարեց ԱԺ փոխխոսնակ Էդուարդ Շարմազանովը` մեկնաբանելով բռնության ենթարկված ԼՂՀ պատգամավոր Հայկ Խանումյանի շուրջ Արցախում կատարվող գործընթացները:
«Չնայած՝ տարբեր մեկնաբանություններ կան Հայաստանում, որ Գերմանիայի Բունդեստագի կողմից Հայոց ցեղասպանության ճանաչումը զուտ էգոցենտրիկ և քաղաքական որոշում էր, Գերմանիան իր շահերից ելնելով դա արեց, այնուամենայնիվ, փաստաթուղթը միջազգային իրավունքի առումով շատ կարևոր երևույթ էր»,- այսօր լրագրողների հետ հանդիպման ընթացքում այս մասին նշեց Արտակարգ և լիազոր դեսպան Արման Նավասարդյանը:
«Սա ավելի շատ Ռուսաստանի կողմից է արագացվել կամ օրակարգ բերվել: Մի քանի տարի առաջ, երբ պարոն Պուտինը ժամանեց Հայաստան, իր առաջին հանդիպումը, մուտքը և հայտարարությունը նա արեց ռուսական ռազմաբազայից, և ոչ թե՝ մեր մայրաքաղաքից: Այդ պաշտոնական այցը տեղի չունեցավ՝ ինչպես որ նախատեսված է միջազգային արարողակարգով` Երևանից, նա անտեսեց դա և հայտարարեց, թե՝ мы никогда не уходили отсюда»,- ասաց Զ.Փոստանջյանը:
Այսօր ԱԺ նիստի ժամանակ ԱԺ պատգամավոր Նիկոլ Փաշինյանը վերջին 4 տարիների պետական բյուջեների կատարողական հաշվետվությունները համեմատեց «Կարգին հաղորդման» հայտնի մանրապատման հետ:
