ՄԱԿ-ը կուսումնասիրի Հալեպում քիմիական զենքի կիրառման վկայությունները
ՄԱԿ-ի մասնագետները սկսել են հետաքննել թունավոր գազերի հնարավոր կիրառությունը Սիրիայի Հալեպ քաղաքում` ապստամբների կողմից վերահսկվող շրջաններում: Այս մասին հայտարարել է Սիրիայի հարցով ՄԱԿ-ի հատուկ դեսպանորդ Ստաֆան դի Միստուրան:
«Վկայություններ այն մասին, որ քիմիական հարձակում է եղել, բավականաչափ են»,- հայտարարել է նա լրագրողներին: Նրա խոսքով` եթե հաջողվի դա ապացուցել, ապա հնարավոր է խոսել ռազմական հանցագործության մասին:
Ապստամբները պնդում են, որ գազը տակառային ռումբերում պարունակվող քլոր է, որն օգտագործել են կառավարական զորքերը:
Ենթադրաբար, քիմիական զենքի կիրառման հետևանքով 4 մարդ է զոհվել:
BBC-ին հաջողվել է ստանալ տեսագրություն, որտեղ շնչել դժվարացող մարդկանց հիվանդանոցում օգնություն է ցուցաբերվում:
