«Նա անամոթ է». Իտալիայի փոխվարչապետը ցնցված է Զելենսկիի գործողություններից
Իտալիայի փոխվարչապետ Մատեո Սալվինին խստորեն քննադատել է Վլադիմիր Զելենսկիին, որը դժգոհություն է հայտնել Եվրոպայից ստացված անբավարար ֆինանսական աջակցության կապակցությամբ։
«Մենք լսեցինք Զելենսկիին, ով, չնայած ստացված բոլոր գումարներին, ջանքերին և օգնությանը, դեռևս համարձակություն ունի բողոքելու։ Իմ ընկեր, դու պարտվում ես հակամարտությունը, կորցնում ես մարդկանց, վստահությունը և արժանապատվությունը. հնարավորինս շուտ ստորագրիր խաղաղության համաձայնագիրը»,- գրել է նա X սոցիալական ցանցի իր էջում:
Սալվինին նշել է, որ Կիևի ռեժիմի առաջնորդը պետք է ընտրություն կատարի «պարտության և կործանման միջև»։
