Թաիլանդի հայտնի հանգստավայրերում պայթյունների հետևանքով 4 մարդ է սպանվել
Թաիլանդի հարավային հատվածի հայտնի հանգստավայրերում մի շարք պայթյուններ են տեղի ունեցել, որոնց զոհ է դարձել նվազագույնը 4 մարդ, տասնյակ մարդիկ վնասվածքներ են ստացել:
Երեկ երեկոյան մայրաքաղաք Բանգկոկից ոչ հեռու կրկնակի պայթյունի հետևանքով սպանվել էր 1 զբոսաշրջիկ և սննդի 1 առաքիչ: Վիրավորների թվում կա մի քանի օտարերկրացի զբոսաշրջիկ:
Ոստիկանությունը հայտնել է, որ պայթուցիկ սարքը գործի է դրվել բջջային հեռախոսների օգնությամբ:
Դեռ ոչ ոք չի ստանձնել պայթյունների պատասխանատվությունը: Ինչպես հայտնում է BBC-ի թղթակիցը, կասկածի տակ են առաջին հերթին անջատողական խմբավորումները, որոնք զինված դիմադրություն են ցույց տալիս թաիլանդական բանակին:
