Միջազգային

Փրկարարներն ԱՄՆ Ֆլորիդա նահանգում փլուզված բազմաբնակարան շենքի փլատակների տակից գտել են ևս 10 աճյուն, այդպիսով զոհերի թիվը հասել է 46-ի: Այս մասին հայտնում է Associated Press գործակալությունը:

Հաիթիի վարչապետի պաշտոնակատար Կլոդ Ժոզեֆը հայտարարել է, որ նախարարների խորհուրդը որոշում է ընդունել նախագահ Ժովենել Մոիզի սպանությունից հետո երկրում ռազմական դրություն հաստատելու մասին: Այս մասին հայտնում է ՏԱՍՍ-ը:

Տաջիկստանը Հավաքական անվտանգության պայմանագրի կազմակերպության (ՀԱՊԿ) անդամ երկրներից օգնություն է խնդրել Աֆղանստանից եկող մարտահրավերներին դիմագրավելու հարցում:  Այս մասին հայտարարել է ՀԱՊԿ-ում Տաջիկստանի մշտական ներկայացուցիչ Հասան Սուլթանովը:

Իցհակ Գերցոգը հուլիսի 7-ին Կնեսետում երդմնակալությամբ ստանձնել է Իսրայելի 11-րդ նախագահի պաշտոնը: Այս մասին հայտնում է ՏԱՍՍ-ը:

Անբարենպաստ եղանակային պայմանները, տեխնիկական խնդիրը և անձնակազմի սխալը դիտարկվում են որպես Կամչատկայում Ан-26 ինքնաթիռի կործանման հնարավոր պատճառներ: Այս մասին կառավարությունում նախագահ Վլադիմիր Պուտինի հետ խորհրդակցության ժամանակ հայտնել է ՌԴ տրանսպորտի նախարար Վիտալիյ Սավելյևը:

Հաիթիի նախագահ Ժովենել Մոիզի սպանությունից հետո մայրաքաղաք Պորտ-օ-Պրենսում Միացյալ Նահանգների դեսպանատունը կասեցրել է աշխատանքը: Այս մասին հայտնում է դեսպանատան կայքը:

Շվեդիայի խորհրդարանը հուլիսի 7-ին վարչապետ է ընտրել Սոցիալ-դեմոկրատական աշխատանքային կուսակցության առաջնորդ, ժամանակավոր կառավարության ղեկավար Ստեֆան Լյովենին:  Այս մասին հայտնում է ՏԱՍՍ-ը:

168.am-ի հետ զրույցում Արցախի Հանրապետության արտաքին գործերի նախարար Դավիթ Բաբայանն անդրադառնալով անջատում՝ հանուն փրկության բանաձևին, նկատեց՝ 1988 թվականից ի վեր հայկական կողմի մոտեցումները միայն մեկ անգամ են փոփոխության ենթարկվել, երբ սկզբում միացում էր Հայաստանի հետ, հետո՝ տեսնելով, որ աշխարհաքաղաքականությունը, միջազգային իրավունքն այդ ճանապարհն ավելի է դժվարացնում, որդեգրվել է մեկ այլ ռազմավարություն։

Լեռնային Ղարաբաղի տարածքում և հարակից շրջաններում առկա հարուստ մշակութային ժառանգության ամբողջականության և բազմազանության համապարփակ պաշտպանության վերաբերյալ Europa Nostra-ն և Հնագետների եվրոպական ասոցիացիան համատեղ հայտարարություն  են տարածել:

Թուրքիայի նախագահ Ռեջեփ Թայիփ Էրդողանի «խոսափողի» համբավ ունեցող «Sabah» թերթի լրագրող Ուղուր Յըլդըրըմը այցելել է Աղդամի (Ակնա) ռուս-թուրքական մշտադիտարկման կենտրոն և հոդված հրապարակել կենտրոնի գործունեության մասին։ Այս մասին տեղեկացնում է ermenihaber.am-ը։

Ադրբեջանի նախագահ Իլհամ Ալիևի հրամանով փոփոխվել է Ադրբեջանի վարչատարածքային բաժանումը` ըստ տնտեսական շրջանների, գրում է minval.az-ը` մանրամասնելով, որ նոր որոշմամբ` ստեղծվել են «Արևելյան Զանգեզուրի» և «Ղարաբաղի» տնտեսական գոտիներ:

Իրաքի Այն ալ Ասադ ռազմակայանը, որն օգտագործում են ԱՄՆ-ի գլխավորած միջազգային հակաահաբեկչական ուժերը, հրթիռակոծման է ենթարկվել:

Վարուժան Գեղամյանը ֆեյսբուքյան իր էջում գրում է․ «Այսօր Ադրբեջանի նախագահի հրամանով փոփոխվել է Ադրբեջանի վարչատարածքային բաժանումն` ըստ տնտեսական շրջանների: Նոր որոշմամբ առանձին շրջանի մեջ են մտնում Արցախի շրջանները (բացառությամբ Քաշաթաղի ու Քարվաճառի): Իսկ Քաշաթաղի ու Քարվաճառի շրջանները մտցվել են «Արևելյան Զանգեզուրի» տնտեսական շրջանի մեջ: Այս վերջին անունը շատ խոսուն է. կարծում եմ` կռահում եք, որ եթե կա արևելյան, ուրեմն կա նաև «արևմտյան Զանգեզուր», որի տակ մեր հարևանները (քաղաքական ու հասարակական մակարդակներում) պատկերացնում են Սյունիքը:

Հաիթիի նախագահ Ժովենել Մոիզը մահացու վիրավորում է ստացել իր նստավայրի վրա անհայտ անձանց հարձակման հետեւանքով: Հուլիսի 7-ին այդ մասին հայտնել է Juno 7 նորությունների պորտալը՝ վկայակոչելով վարչապետի հայտարարությունը։

Հայաստանն ու Ռուսաստանի Դաշնությունը քննարկում են հանրապետության Սյունիքի մարզում ռուս սահմանապահների ներկայությունն ընդլայնելու հնարավորությունը:

Ever Given բեռնարկղանավը, որը մարտ ամսին վեց օր արգելափակել էր նավարկությունը Սուեզի ջրանցքով, հուլիսի 7-ին սկսել է ընթանալ ջրային մայրուղով:

Ադրբեջանը Լեռնային Ղարաբաղի` իր վերահսկողության տակ անցած տարածքներում կառուցում է «խելացի քաղաքներ» և «խելացի գյուղեր», որոնցից մեկը գտնվում է Կովսականում (Զանգելան), գրում է minval.az-ը:

Բաքվում` Յասամալի շրջանի դատարանում, հուլիսի 7-ին շարունակվում է հայ ռազմագերիներ Լյուդվիգ Մկրտիչի Մկրտչյանի և Ալյոշա Արամայիսի Խոսրովյանի դեմ քրեական գործով դատավարությունը, հայտնում է trend.az-ը` նշելով, որ հայ ռազմագերիները մեղադրվում են Արցախյան առաջին պատերազմի ժամանակ ադրբեջանցի գերիներին «խոշտանգելու», «ռազմական հանցագործություններ կատարելու» (չակերտները-Խմբ.) համար:

Սկսվել է Կամչատկայում Ան-26 ինքնաթիռի կործանման հետևանքով զոհերի մարմինների ջրից դուրսբերումը, նրանց թիվը ճշտվում է, հայտնում է ria.ru-ն:

Հուլիսի 7-ին Նուր Սուլթանում սկսվել է Սիրիային նվիրված միջազգային հանդիպումն Աստանայի ձեւաչափով:

Իրաքյան Քուրդիստանի Էրբիլ քաղաքի օդանավակայանը հրթիռային հարվածի է ենթարկվել, օդային տարածքն ամբողջությամբ փակվել է, ТАСС-ի փոխանցմամբ՝ հաղորդում է «Al Arabiya» հեռուստաալիքը:

Աշխարհում կորոնավիրուսի պատճառով մահացածների ընդհանուր թիվը գերազանցել է 4 միլոնը, վկայում են ՏԱՍՍ-ի հաշվարկներն իշխանությունների պաշտոնական հայտարարությունների, ինչպես նաեւ փորձագետների եւ զանգվածային լրատվամիջոցների եզրակացությունների հիման վրա։

Նշվում է, որ Թուրքիայում 2021թ. հունիսին տղամարդիկ 24 կին են սպանել, որից մեկը՝ ուկրաինուհի: Նախորդ տարի նույն ժամանակահատվածում տղամարդկանց կողմից սպանված կանանց թիվը եղել է 21:

«Երեք բան է սպանում Հայաստանին, երեք բան է ոչնչացնում քաղաքական գործչին՝ նախանձը, տգիտությունը և ատելությունը: Երբ քաղաքական ղեկավարությունը և քաղաքական էլիտան այդ երեք բաներից զերծ կլինեն, այդ ժամանակ մենք կարող ենք խոսել մեր երազանքին հասնելու առաջին քայլի մասին»:

Հայաստանի երրորդ նախագահ Սերժ Սարգսյանը Կազանի նշանավոր գագաթնաժողովից (որտեղ Հայաստանին ու Ադրբեջանին մեկ քայլ էր բաժանում ղարաբաղյան հակամարտության կարգավորման սկզբունքների համաձայնեցումից) 10 տարի անց Sputnik Արմենիային է փոխանցել հեղինակային հոդվածը 2018-ին նախորդած ու հաջորդած իրադարձությունների վերաբերյալ։

Նիկոլ Փաշինյանը հուլիսի 7-ին աշխատանքային այցով կմեկնի Ռուսաստանի Դաշնություն։ Մոսկվայում տեղի կունենա Նիկոլ Փաշինյանի և Ռուսաստանի Դաշնության նախագահ Վլադիմիր Պուտինի հանդիպումը. տեղեկացնում են ՀՀ վարչապետի աշխատակազմից: Նիկոլ Փաշինյանն ու Վլադիմիր Պուտինը կքննարկեն հայ-ռուսական ռազմավարական օրակարգին վերաբերող հարցեր: Կողմերը քննարկելու են նաև 2020 թվականի նոյեմբերի 9-ի և 2021 թվականի հունվարի 11-ի եռակողմ հայտարարությունների կատարման ընթացքին, ռազմական գործողություններից տուժած Լեռնային Ղարաբաղի բնակչությանը հումանիտար աջակցություն ցուցաբերելուն, տարածաշրջանում տնտեսական և տրանսպորտային կապերի վերականգնմանը վերաբերող հարցեր։

Սանկտ Պետերբուրգում գաղտնի նյութեր ստանալուց հետո ձերբակալվել է Էստոնիայի հյուպատոս Մարտ Լյատեն: Այս մասին հայտնել է Ռուսաստանի Դաշնության անվտանգության դաշնային ծառայությունը:

«Այդ խաղաղության պայմանագիրը քողարկված է երկրորդ կապիտուլյացիոն փաստաթուղթ ստորագրելու հիմքով, այսինքն՝ փորձում են ցույց տալ, որ դա խաղաղության համաձայնագիր է, սակայն այն բոլորովին չի բխելու Հայաստանի ու հայկական շահերից։ Այսօր Սյունիքում ունենք խայտառակ վիճակ, ադրբեջանական կողմը ոչ միայն չի պահպանել այն սահմանագիծը, որոնք գոնե քարտեզներով տեսանելի են, մխրճվել է 3,5 կմ չափով»։

ԱՄՆ-ում առնվազն 150 մարդ դարձել է 400-ից ավելի միջադեպերի հետ կապված հրաձգության զոհ անցած երկարատեւ հանգստյան օրերին, երբ ամերիկացիները նշել են Անկախության օրը (հուլիսի 4-ին):

Թուրքիայում առաջին անգամ արձանագրել են կորոնավիրուսի «դելտա պլյուս» շտամով վարակման երեք դեպք, հուլիսի 6-ին հայտնել է հանրապետության առողջապահության նախարար Ֆահրեթին Քոջան։