«Ռոբերտ Քոչարյանը երբեք չի հենվել ցույցային և միտինգային քաղաքականության վրա։ Ռոբերտ Քոչարյանը միշտ հայտնվել է պաշտոնի, երբ ուժեղ ղեկավարի կարիք է զգացվել։ Ինչքան շարունակեն ճնշել դատավորին, այնքան Քոչարյանի վարկանիշն աճելու է»,- վստահեցնում է Տիգրան Քոչարյանը՝ նշելով, որ, եթե չլինի հերթական բիզնես-ռազմական-քաղաքական էլիտաների փոփոխություն, վերադասավորում, նոր իշխանություն չենք ունենա։
Իրականում այդ հարցն առաջինը երևի թե բարձրացրել եմ ես և այսօր էլ կարծում եմ, որ նա իրավունք չունի առաջադրվելու ՀՖՖ նախագահի պաշտոնում: Կանոնադրությունը հստակ կարգավորում է տալիս, թե ո՞ր անձինք իրավունք ունեն առաջադրվել այդ պաշտոնում, և կարգավորումներից մեկն այն է, որ վերջին 5 տարիներից առնվազն 2-ում ակտիվ դերակատարություն պետք է ունենան ֆուտբոլի բնագավառում: Այնուհետև պարզաբանվում է, թե այդ ակտիվ դերակատարությունը ո՞րն է. Օրինակ՝ որպես պաշտոնատար անձ կամ խաղացող:
Կառավարությունը պետական բյուջեից 4 մլն 320.000 դրամ կհատկացնի 9 ընտանիքի։ Այս մասին որոշման նախագիծն ընդգրկված է Կառավարության դեկտեմբերի 19-ի նիստում՝ չզեկուցվող հարցերի շարքում։
168.am-ն արդեն տեղեկացրել է, որ ՀՀ-ում Ղազախստանի դեսպանությունը դիմել է ՀՀ ԱԳՆ-ին՝ Անդրանիկ Հովհաննիսյանի վերաբերյալ պարզաբանում ստանալու համար:
ՀԱԿ փոխնախագահ Լևոն Զուրաբյանը 168TV-ի «Ռեվյու» հաղորդման ընթացքում անդրադառնալով ԼՂ հակամարտության կարգավորման գործընթացում ՀՀ իշխանությունների վարած քաղաքականությանը՝ ուշագրավ հայտարարություններ էր արել՝ մասնավորապես նշելով. «…Պետք է ասեմ, որ մինչև հիմա հայկական կողմը բովանդակային քննարկումների մեջ, նկատի ունեմ՝ Փաշինյանի օրոք, թավշյա հեղափոխությունից հետո, չի մտել և դրա համար ունեցել է նաև որոշակի հիմքեր: Այդ հիմքերը կապված են այն հանգամանքի հետ, որ բանակցությունների այն ձևաչափը, որը ժառանգել էր Նիկոլ Փաշինյանը, իր հագով չէ: Ինքը ցանկանում է վերադարձնել այն ֆորմատը, որը ձևավորվել էր Լևոն Տեր-Պետրոսյանի ժամանակ»:
ՀՀ Քննչական կոմիտեի Հատկապես կարևոր գործերի քննության գլխավոր վարչության մարդկանց թրաֆիքինգի, անչափահասների սեռական անձեռնմխելիության դեմ ուղղված և թմրամիջոցների ապօրինի շրջանառության հանցագործությունների քննության վարչության վարույթում օտարերկրացիների կողմից երեխաների ապօրինի որդեգրման դեպքերի առթիվ քննվող քրեական գործի շրջանակներում մի խումբ անձանց կողմից նախնական համաձայնությամբ, ծնողներից երեխային ապօրինի բաժանելու կասկածանքով ձերբակալվել են «Վերարտադրողական առողջության, պերինատոլոգիայի, մանկաբարձության և գինեկոլոգիայի հանրապետական ինստիտուտ » ՓԲ ընկերության տնօրեն Ռազմիկ Աբրահամյանը:
«Այս մոլորակի վրա կա երկու հայկական պետություն, և երկուսում էլ ես ղեկավար եմ եղել, առաջնորդ եմ եղել»,- Վերաքննիչ քրեական դատարանում դատական նիստի ժամանակ ասաց ՀՀ երկրորդ նախագահ Ռոբերտ Քոչարյանը՝ նշելով, որ ելույթ ունենալ ստիպել է նիստի ժամանակ «Մարտի 1»-ի գործով տուժողներից մեկի խոսքը, թե Քոչարյանը վտանգ է պետականության համար:
Երևանի քաղաքապետարանի հայտարարած կենցաղային թափոնների կոնտեյներների (մեծ պլաստիկ աղբամանների) մրցույթի առաջին խմբաքանակի մատակարարման համար մասնակցել և հաղթող է ճանաչվել քաղաքապետարանի կոմունալ տնտեսության վարչության պետի՝ Արարատ Խաչիկյանի քրոջ որդուն պատկանող կազմակերպությունը։
«Կրակոցները հնչել են երեկոյան 22։00-ից-22։30-ի սահմաններում, բավականին ակտիվ կրակոցներ են հնչել և՛ գյուղերի, և՛ դիրքերի ուղղությամբ։ Կրակոցների պահին գյուղում հարսանիք էր, որը ոչ մի րոպե չի դադարել, ինչպես հարկն է ընթացել է, մարդիկ պարել, ուրախացել են։ Գյուղի ուղղությամբ կրակոցները թիրախավորված էին, թիրախը՝ խաղաղ բնակչությունն էր։ Բարեբախտաբար որևէ տուժած չկա»,-ասաց Ֆելիքս Մելիքյանը։
Վարչապետ Նիկոլ Փաշինյանը հաճախ է կրկնում, որ եկամտային հարկի նվազեցումը բերելու է մարդկանց եկամուտների ավելացման, սակայն խուսափում է խոսել այն մասին, թե դրանք ինչքանով են կրճատվելու այլ ոլորտներում հարկային բեռի ավելացման հետևանքով։ Իսկ որ կրճատվելու են ու շատ ավելի մեծ չափով, քան եկամտային հարկի նվազեցմամբ ակնկալվող ավելացումն է, այդպես էլ կա։ Հայաստանում բնակչության իրական եկամուտները […]
Այսօր ժամը 22:00-22:30-ի սահմաններում Ադրբեջանի ԶՈւ-երը կրակ են բացել Իջևան-Նոյեմբերյան մայրուղու և Կոթի գյուղի ուղղությամբ:
Միգուցե նկատի ուներ, որ ավիաընկերություններին արգելել են թռչել, որովհետև վերահսկողություն չի եղել, ու անվտանգային խնդիրնե՞ր են առաջացել: Ամբողջությամբ չեմ կարող համաձայնել դրա հետ: Այո, բարդություններ եղել են, հիմնականում՝ Աֆրիկայում, բայց գիտեմ, որ ՔԱԿ տեսուչները մշտապես գործուղվել են այնտեղ և օդանավերը ստուգել են:
«Ռոսիա-24» հեռուստաալիքի «Վեստի» լրատվական ծրագիրը նախօրեին անդրադարձ կատարելով Կրեմլում տեղի ունեցած ռազմատեխնիկական հանձնաժողովի նիստին, որպես լրացում՝ ռեպորտաժում նշել է, թե «Իսկանդեր-Մ» օպերատիվ մարտավարական հրթիռային համալիրն այնքան հզոր է, որ երկար ժամանակ՝ մինչև վերջերս, արգելքի տակ է եղել, սակայն, այսպես ասած, արտահանվող տարբերակն արդեն մշակված է:
«Կա մի հայտարարություն, որ նախկինում երբևէ չի արվել՝ ցանկացած լուծում պետք է ընդունելի լինի ՀՀ, Արցախի և Ադրբեջանի ժողովուրդների համար: Բայց պարզ է նաև, որ կա արտաքին քաղաքականության ընդհանուր տրամաբանություն, որը մոտավորապես 1991թ. անկախությունից ի վեր այս կամ այն կերպ պահպանվել է: Այսինքն՝ հնարավոր չէ առհասարակ ամբողջ բանակցային պրոցեսները ջնջել: Բայց երբ ասում ենք՝ նոր կետից, սա մի հայտարարություն է, որ որևէ ՀՀ առաջնորդ երբևէ չի արել»,- ասաց նա:
168TV-ի «Ռեվյու» հաղորդաշարին տված հարցազրույցում Ազգային ժողովի «Լուսավոր Հայաստան» խմբակցության պատգամավոր Կարեն Սիմոնյանն ասաց, որ համաձայն է խմբակցության ղեկավար Էդմոն Մարուքյանի այն հիմնավորումների հետ, որ Երևանի ավագանու իրենց միակ անդամին հետ կանչելու պատճառն ավագանու աշխատանքների լուսաբանումն է, քանի որ Խաժակյանի բարձրացրած խնդիրները, կեղծիքի մասին բացահայտումները տեղ չեն գտել լրատվամիջոցներում: «Լուսավոր Հայաստան» խմբակցության ղեկավար Էդմոն Մարուքյանն ասաց, որ իրենք դժգոհ են ԶԼՄ-ների լուսաբանումից, քանի որ առավել շատ լուսաբանվել է քաղաքապետի ծիծաղի վերաբերյալ դիտարկումը, քան Խաժակյանի բացահայտումը։
Նա նշեց, որ ՀՀ իշխանություններն այս հարցում որոշակի թերացումներ թույլ տվեցին: «Նոր մարդիկ էին և իրավիճակին այդքան էլ չէին տիրապետում, բայց կարծես իրավիճակը բարելավվել է ներկայումս: Դիվանագիտությունը ենթադրում է որոշակի պահվածք, և մարդիկ, որոնք գալիս են ոչ դիվանագիտական ոլորտից՝ անխուսափելիորեն սկզբնական շրջանում չեն հասկանում, թե որտեղ, երբ, ինչ խոսել»:
Երեկ ԱԺ Մարդու իրավունքների հանձնաժողովում ձևավորվեց աշխատանքային խումբ՝ ատելության խոսքի դեմ պայքարին ուղղված ՀՀ օրենսդրության բարեփոխման շուրջ քննարկումների նպատակով։ ԱԺ «Իմ քայլը» խմբակցության պատգամավոր Սարգիս Խանդանյանը, ով հարցի հիմնական զեկուցողն էր, նշեց, որ աշխատանքային խումբը կգործի վեց ամիս, իսկ հետո բոլոր արդյունքները կներկայացնեն հանձնաժողովին։ Լրագրողներն իշխանական պատգամավորից հետաքրքրվեցին, թե երբ վարչապետն ասում է, որ «կփռի ասֆալտին», դա ատելության խո՞սք է:
Ինչո՞ւ ներխմբակցային թեման դարձավ հրապարակային, ինչի՞ց է դժգոհում «Լուսավոր Հայաստանը». պարզաբանում է Դավիթ Խաժակյանը:
Կիրակի օրը Ջերմուկում կայացավ համայնքային հանդիպում, որի ընթացքում ժողովի մասնակիցները որոշեցին թույլ չտալ «Լիդիանին»՝ ձմեռացման աշխատանքներ իրականացնելու համար Ամուլսար մուտք գործել: Հավաքին մասնակցում էին ոչ միայն Ջերմուկի բնակիչները, այլև բնապահպան ակտիվիստներ, ինչպես նաև «Սասնա ծռեր» կուսակցության անդամները։ Մոտ մեկ ժամ տևած ելույթներից հետո, քվեարկությամբ որոշվեց թույլ չտալ «Լիդիանի» մուտքը:
«168 Ժամի» հետ զրույցում թուրք քաղաքական վերլուծաբան Ջենգիզ Աքթարն ասաց, որ հասկանալու համար, թե այս գործընթացն ուր կարող է տանել ճանաչման հարցը, պետք է դիտարկել, թե երբ է այն տեղի ունենում: Նրա դիտարկմամբ, սա, անկասկած, կապ ունի թուրք-ամերիկյան հարաբերություններում ներկայումս ստեղծված իրավիճակի և այն տրամադրությունների հետ, որոնք առկա են ԱՄՆ օրենսդիր մարմնում՝ և Ներկայացուցիչների պալատում, և Սենատում:
Դեկտեմբերի 12-ին 168.am-ի եթերում Սահմանադրական դատարանի (ՍԴ) նախագահի խորհրդական Գրիգոր Մուրադյանն անդրադարձավ ԱԺ փոխխոսնակ Ալեն Սիմոնյանի հայտարարությանը, թե որքան որ ինքն է տեղյակ, կան դատավորներ, որոնք կօգտվեն վաղ կենսաթոշակի գնալու առաջարկից: Մեր հարցին, թե ի՞նչ կարող է սա նշանակել՝ գործա՞րք, պայմանավորվածությո՞ւն, ՍԴ նախագահի խորհրդականն ասաց, որ տպավորություն է, որ այս քաղաքական իշխանություններն իրենք իրենց դատավճիռն են կայացնում:
Երևանի ավագանու «Լույս» խմբակցության ղեկավար Դավիթ Խաժակյանի խոսքով՝ ավագանիում իր հետագա գործունեության շարունակելու կամ դադարեցնելու վերաբերյալ հարցը քննարկել են ԼՀԿ ղեկավար Էդմոն Մարուքյանի հետ։
«2019 թվականը տնտեսական առումով լի էր և՛ ձեռքբերումներով, և՛ բացթողումներով: 9 ամիսների կտրվածքով ունենք շուրջ 7.1 տոկոս տնտեսական ակտիվության ցուցանիշ: Եթե ուսումնասիրում ենք կառուցվածքը, տեսնում ենք, որ հիմնական շարժիչը եղել են առևտուրն ու ծառայությունների ոլորտը»,- լրագրողների հետ հանդիպման ժամանակ ասաց Տնտեսական զարգացման նախաձեռնությունների կենտրոնի տնօրեն Մարինե Առաքելյանը՝ հավելելով, որ, եթե ծառայությունների ոլորտից հանենք զբոսաշրջությունն ու ՏՏ ոլորտը, ապա կարող ենք եզրահանգում անել, որ հիմնականում շարժիչ են եղել տերմինալով խաղերը, բուքմեյքերական գործունեությունից օգտվողները և առևտրի մեծաքանակ աճը, ինչն էլ պայմանավորված է եղել 2019թ. աննախադեպ քանակով մեքենաների ներմուծմամբ, որը 9 ամիսների կտրվածքով կազմել է շուրջ 103.000:
ԱԺ «Լուսավոր Հայաստան» խմբակցության ղեկավար Էդմոն Մարուքյանն այսօր լրագրողների հետ հանդիպմանն անդրադառնալով Երևանի ավագանիում «Լույս» խմբակցության ղեկավար Դավիթ Խաժակյանի՝ ավագանիում հետագա գործունեության նպատակահարմարությունը՝ նշեց, որ երեկ ավագանու նիստում Խաժակյանը բացահայտել է քաղաքապետարանի կողմից կատարված չարաշահում, սակայն այն չի լուսաբանվել, փոխարենը՝ լուսաբանել են Հայկ Մարությանի ծիծաղելու տեսարաններն ու այլ դրվագներ:
Էդմոն Մարուքյանը՝ Դավիթ Խաժակյանին Երևանի ավագանիից հետ կանչելու մասին. ՈՒՂԻՂ
Վերջերս սոցիալական ցանցերում լուրեր էին շրջանառվում, որ նոյեմբերի 28-ին լրանում է թվով 7000 օբյեկտների պահպանության վերաբերյալ ոստիկանության հետ կնքված պայմանագրերի ժամկետը, որը չի երկարաձգվելու: Սա նշանակում է՝ բազմաթիվ ոստիկաններ կարող են ազատվել աշխատանքից և անաշխատանք մնալ։ Իսկ այս օբյեկտների պահպանությունը, ըստ սոցցանցերում շրջանառվող տեղեկությունների, վստահվելու է մասնավոր որոշ ընկերությունների, որոնց հետ կապվում էր նաև հայտնի գործարարներից մեկի անունը։
«Ամանորն ունի կարևորագույն գործառույթ՝ մարդկանց լիցքավորել դրական լիցքերով, ձերբազատել չարից, վնասաբեր ուժերից»,- 168 TV-ի «Ռեվյու» հաղորդման ընթացքում ասաց ազգագրագետ Սվետլանա Պողոսյանը:
Այսօր ԱԺ Մարդու իրավունքների պաշտպանության մշտական հանձնաժողովում քննարկվեց և ընդունվեց ատելության խոսքի դեմ պայքարին ուղղված ՀՀ օրենսդրության բարեփոխման շուրջ քննարկումների նպատակով աշխատանքային խմբի ստեղծման հարցը: Նախատեսված է, որ աշխատանքային խումը կգործի վեց ամիս, որից հետո կամփոփի աշխատանքի արդյունքները և կներկայացնի հանձնաժողովին։
«Եթե ատելության խոսքը քրեականացնելու մասին օրենքն ընդունվի, ապա դրա թիվ 1 շահառուն լինելու է երկրի վարչապետը, իսկ նրա թիմի անդամները՝ հաջորդիվ»,- ասաց մեր զրուցակիցը։
Հաջորդ տարվա հունվարի 15-ից հանրապետության ողջ տարածքում թարմ միս օգտագործող բոլոր ոլորտների համար մսի սպանդանոցային ծագման պահանջը կլինի պարտադիր: Ըստ այդմ՝ սպանդանոցային ծագման թարմ կենդանական մթերքն ու հումքը պետք է տեղափոխվեն և իրացվեն անվտանգությունը հավաստող ձև 5 անասնաբուժական փաստաթղթով կամ դրա պիտակով: Այս մասին տեղեկանում ենք ՀՀ կառավարության ֆեյսբուքյան էջից։
