Ռուսաստանը միտումնավոր հարվшծներ է հասցրել Կիևի և Բորիսպոլի օդանավակայաններին՝ Ուիթքոֆի և Քուշների այցի վերաբերյալ քննարկումների ֆոնին․ Զելենսկի
Ռուսաստանը միտումնավոր հարվածներ է հասցրել Կիևի և Բորիսպոլի օդանավակայաններին՝ Ուիթքոֆի և Քուշների այցի վերաբերյալ քննարկումների ֆոնին, այս մասին հայտարարել է Ուկրաինայի նախագահ Վլադիմիր Զելենսկին։
«Երեկ երեկոյան մեր օդանավակայաններին՝ Կիևում և Բորիսպոլում, ցուցադրական հարվածներ են հասցվել Ռուսաստանի կողմից։ Դրանք միտումնավոր էին, առաջինը՝ երկար ժամանակ անց։
Ակնհայտ է, որ օդանավակայաններին ուղղված այս հարվածները արձագանք են ամերիկյան ներկայացուցիչների կողմից Ուկրաինա ժամանելուն։ Մենք գրանցել ենք այս ռուսական քայլը և հաջորդ շաբաթ համապատասխանաբար կհարմարեցնենք մեր գործողությունները Ռուսաստանի օդային տարածքի դեմ, որը վտանգավոր է դարձել երկնքում անօդաչու թռչող սարքերի և հրթիռների առկայության պատճառով։ Իհարկե, մեզանից դիվանագիտական սպառնալիքներ չկան և չեն լինի»,-գրել է Ուկրաինայի նախագահը։
