Տղամարդը հարբած է եղել եւ փորձել է մտնել օդաչուների խցիկ: Անձնակազմը նրան հանգստացրել է: Դրանից հետո օդանավը վայրէջք է կատարել Ստամբուլում, որտեղ նրան հանձնել են իրավապահներին:

Մ՞իթե մասնագիտական համապատասխան պատրաստվածություն չունեցող մարդկանց մի քանի հոգիանոց խումբն ի վիճակի է ճանապարհային քարտեզ մշակել, ուր ոչ մի ակնարկ չկա առ այն, թե բիզնես հանրությունն ինչ ակնկալիք ունի ՄՄ-ից։

Վարուժան Մարդանյանին մեղադրանք է առաջադրվել այն բանի համար, որ նա հանդիսանալով Երևան քաղաքի «Գրիգոր Նարեկացի» բժշկական կենտրոն ՓԲԸ Վիրաբուժագինեկոլոգիական բաժանմունքի մանկաբարձ-գինեկոլոգ, բժշկական կենտրոն ընդունելով Լոռու մարզի Սպիտակի շրջանի Ջրաշեն գյուղի բնակչուհի Հրածին Մալխասյանին, ոչ պատշաճ կերպով է կատարել մասնագիտական պարտականությունները, դրանց նկատմամբ դրսևորել է անփույթ, անբարեխիղճ վերաբերմունք, որն անզգուշությամբ առաջացրել է վերջինիս մահը:

Մինչ Շինարարների 15 հասցեում գտնվող վթարային շենքի բնակիչները փորձում են պարզել թե, ում ցուցումով է փետրվարի 3-ին հեռացվել շենքի ջրագիծը, այսօր` փետրվարի 7-ին, կեսօրից հետո, ՀԵՑ-ի տեսուչները անջատեցին նաեւ շենքը սնուցող հոսանքագիծը՝ շենքում մնացած 5 ընտանիքներին փաստորեն թողնելով առանց էլեկտրականության ու ջրի՝ դրանով փորձելով ստիպել բնակիչներին դուրս գալ շենքից եւ տեղափոխվել Սիսակյան 22 հասցեում գտնվող նորակառույց շենքում իրենց հատկացված բնակարաններ:

Ուկրաինայի ՆԳ նախարարությունն էլ օրերս հայատարարել էր Վրաստանի քաղաքացու ձերբակալման մասին, ով գումարի դիմաց մեքենաներ է այրել Կիեւի փողոցներում:

Փրկարարները Արին-Բերդի փողոցի թիվ 2 հասցեում գտնվող «MN Oil» ՍՊԸ-ին պատկանող վառելիքի տակառից դուրս են բերել ՍՊԸ-ի տնօրեն Ռ. Մ.-ի (Իրանի Իսլամական Հանրապետության քաղաքացի, մոտ 35տ) և անձը չպարզված քաղաքացու (մոտ 27տ) դիերը:

Վերջին տարիներին Արմավիրի մարզի Շենիկ գյուղում կողպված դռներն ավելացել են: Գյուղից շատ ընտանիքներ հեռացել են Ռուսաստանի Դաշնություն կամ Արտասահման՝ մշտական բնակության:

Փետրվարի 6-ին lurer.com Կայքը հրապարակել է հոդված «Սկանդալ հայկական դատաիրավական համակարգում. փաստաբանը դատավորին փորձել է պարտավորեցնել հայհոյանքով (ֆոտո. 16+)» տեղեկություն:

Փետրվարի 6-ին, ժամը 10.00-ին, ոստիկանության Կենտրոնականի բաժնի ծառայողները Երևանի Ամիրյան փողոցի թիվ 15 շենքի մոտից բերման են ենթարկել 1966 թ. ծնված Լաուրա Ա.-ի:

Նազարեթյան Հասմիկի դեպքը, մեծ հնչեղություն ստացավ: Նախարարությունը պատճառաբանում է, որ ինքը շահառու մեկ այլ պայմանով է ճանաչվել եւ տղայի հետ ուրիշ՝ 2 սենյականոց բնակարան են ստացել: Չնայած ընտանիքը 3 սենյականոց բնակարան է կորցրել: Այս դեպքում, կարծում եմ, ոչ թե հարցը դատարան պետք է մտներ, այլ կառավարության նիստ պիտի մտներ եւ բնակարանի վերաբերյալ առանձին որոշում կայցվեր:

Արցախի եւ Ադրբեջանի շփման գծի վրա եւ վերջերս նաեւ դեպի Հայաստանի Հանրապետության սահմանամերձ շրջանների նկատմամբ ադրբեջանական հարձակողապաշտության դիմաց պատասխանատվության առումով համահավասարեցման միջազգային խաղը նոր երեւույթ չէ:

Օլիմպիական հիմնը կատարել է օպերային աստղ Աննա Նետրեբակոն: Բացման արարողության ավարտին սպասվում է աննախադեպ հրավառություն:

Ընկերությունը հայցում է սպառողների ներողամտությունը պատճառված անհանգստության և կանխավ շնորհակալություն հայտնում ըմբռնման համար:

Նյութերի նախապատրաստման ընթացքում փետրվարի 6-ին պարզվել է, որ 1964 թ. ծնված Իսրայել Հ.-ն ձեռքի սղոցով մեկ հացենի է հատել և փայտանյութը հափշտակել:

Շինարարների փողոցի 15 հասցեի վթարային շենքում դեռևս 4 բնակարան զբաղեցնող ընտանիքներին առնչվող որոշ զանգվածային լրատվամիջոցներով տարածվող տարաբնույթ լուրերի առնչությամբ հարկ ենք համարում տեղեկացնել, որ Աջափնյակ վարչական շրջանի Շինարարների փողոցի 15 հասցեում գտնվող բազմաբնակարան շենքը, որպես 4-րդ կարգի վթարային և ամբողջությամբ քանդման ենթակա, ընդգրկված է եղել ՀՀ կառավարության 25.10.2000թ. հ.682 որոշմամբ հաստատված ծրագրում:

Երևան-Սևան ավտոճանապարհին ` «Չայնիի ոլորաններում», բախվել են Mercedes մակնիշի 87 RR 707 համարանիշ, «Սպայկա» ընկերության պատկանող բեռնատար մակնիշի և Forester մակնիշի 24 ՍՕ 866 համարանիշի ավտոմեքենաները: Վթարի հետևանքով 3 հոգի դեպքի վայր ժամանած շտապօգնության ավտոմեքենայով տեղափոխվեցին հիվանդանոց:

«Դեպքը տեղի է ունեցել զինվորական ծառայության ժամանակ՝ 1990-ականների կեսերին: Ադրբեջանական ուժերի հետ փոխհրաձգության ժամանակ մին է պայթել, ու Արմանն այդ ժամանակ զրկվել է ոտքից»:

Փետրվարի 6-ին Տավուշի մարզի դատախազությունից ոստիկանության Տավուշի բաժին գրություն է ստացվել, որ 1975 թ. ծնված Սամվել Ե.-ն Արծվաբերդի անտառտնտեսության տարածքից պարբերաբար կատարել է ապօրինի ծառահատումներ:

Իսկ որ ամենակարևորն է, գնդապետն այս միջոցառմամբ իր բոլոր աշխատակիցներին, ենթականերին հասկացնել տվեց, որ այս մարզում վճռորոշը իր խոսքն է, որքան էլ տեղի ոստիկանները հանցագործ աշխարհի հետ քավորասանիկական հարաբերությունների մեջ գտնվեն, կամ էլ Վլադիմիր Գասպարյանի բառերով ասած` «քյաբաբի» ընկեր լինեն:

ՀՀ մշակույթի նախարարությունը խոր վշտով հայտնում է, որ փետրվարի 6-ին, 72 տարեկան հասակում վախճանվել է ՀՀ արվեստի վաստակավոր գործիչ, Կոմիտասի անվան պետական կոնսերվատորիայի պրոֆեսոր Ռաֆիկ Հակոբյանցը:

Գյումրիում խստաշունչ ձմեռ է, և վաղուց շարքից դուրս եկած վագոն-տնակներում մի կերպ պատսպարված անօթևան հարյուրավոր ընտանիքների հիմնական վառելիքը քանդված տնակներից մնացած շինաղբի մնացորդներն են, հնամաշ կոշիկներն ու թղթի թափոնները:

Սոչիում 2014 թվականի ձմեռային օլիմպիական խաղերի մեկնարկից մի քանի ժամ առաջ անցկացված մամուլի ասուլիսի ժամանակ Միջազգային օլիմպիական կոմիտեի նախագահ Թոմաս Բախն ասել է, որ Ձմեռային օլիմպիական խաղերին մասնակցող 87 պետություն ներկայացնող մարզիկների համար «ստեղծված են բոլոր պայմանները»:

Նա դժգոհություն հայտնեց, որ առանձին ճանապարհային ոստիկանների անպատասխանատու, երբեմն ուղղակի հանցավոր վարքագծի պատճառով վերջին շրջանում ծառայության վարկանիշի որոշակի անկում է արձանագրվել, և հավաստիացրեց, որ կձեռնարկվեն ամենախիստ միջոցները նման երևույթները բացառելու համար:

Փետրվարի 6-ին, ժամը 18.10-ին, ոստիկանության Երևան քաղաքի վարչության գրպանահատության դեմ պայքարի բաժանմունքի ծառայողները Մաշտոցի պողոտայի թիվ 20 շենքի մոտից, գողություն կատարելու կասկածանքով, բերման են ենթարկել 1970 թ. ծնված Արմեն Ա.-ին և 1987 թ. ծնված Արման Դ.-ին:

Օրերս քաղաքացիական ակտիվիստ Զարուհի Հովհաննիսյանը ոստիկանությունից ծանուցում է ստացել: Ծանուցման մեջ նշված է, որ դեկտեմբերի 2-ին՝ ՌԴ նախագահ Վլադիմիր Պուտինի այցի ժամանակ «Սերժի պապան ա եկել» պաստառի և ոստիկանությանը չարամտորեն չենթարկվելու համար» հրավիրվում է ոստիկանություն։

Օդի ջերմաստիճանը 8-11-ը ընկած ժամանակահատվածում կբարձրանա 4-6 աստիճանով:

Դեսպանը հայտնել է, որ ինքը տեղյակ է հարցի էությանը եւ խոստացել է նամակն արագ փոխանցել իր երկրի կառավարությանը, նաեւ նշել է, որ լավ է ճանաչում Հայաստանը եւ հայերին, քանի որ եղել է Հայաստանում եւ Վրաստանում Շվեյցարիայի դեսպանը:

ՀՀ կրթության և գիտության նախարարությունում տեղի է ունեցել Դասագրքերի շրջանառու հիմնադրամի հոգաբարձուների խորհրդի նիստը, որը վարել է խորհրդի նախագահ, ՀՀ կրթության և գիտության նախարար Արմեն Աշոտյանը:

Տիգրան Սարգսյանի աշխատանքային այցը Դիլիջան շարունակվում է: Կառավարության ղեկավարի գլխավորությամբ Դիլիջանի քաղաքապետարանում տեղի է ունեցել խորհրդակցություն, որի ընթացքում մարզպետ Արմեն Ղուլարյանը և քաղաքապետ Արմեն Սանթրոսյանը զեկուցել են առկա խնդիրներն ու իրականացված աշխատանքները:

Այսօր՝ փետրվարի 7-ին, Երևանի ժամանակով 20.14-ին (խորհրդանշելով 2014 թվականը) նախանշված Սոչի-2014 Օլիմպիադայի հիմնը կատարելու է օպերային արվեստի գերաստղ, երգչուհի Աննա Նետրեբկոն: