Ինովացիոն և ինստիտուցիոնալ հետազոտությունների կենտրոնի ղեկավար, տնտեսագետ Ատոմ Մարգարյանն այսօր լրագրողների հետ հանդիպման ընթացքում խոսեց ՀՀ-ԵՄ շրջանակային համաձայնագրի տնտեսական բաղադրիչից։
«Ապրիլյան թեժացումը երևի Ռուսաստանը չի հրահրել, հուսանք, որ մեր դաշնակիցն այդքան ստոր չէ, բայց ինձ թվում է՝ նա փորձեց օգտվել այդ իրավիճակից, որն Էրդողանի դրդմամբ ստեղծեց Իլհամ Ալիևը։ Այդ ժամանակ միանգամից ռուսական խաղաղապահ ուժերի մասին խոսվեց»,- այսօր լրագրողների հետ հանդիպման ընթացքում այս մասին ասաց Առաջին հետախուզադիվերսիոն ջոկատի հրամանատար Վովա Վարդանովը։
«Լավրովի այս այցով Ռուսաստանը փորձեց ցույց տալ, որ գոնե այս պահին մտադիր չէ հանդես գալ առանձին պլանով, ինչի մասին ապրիլյան պատերազմից հետո խոսվում էր, և խոսվում էր ոչ անհիմն։ Ռուսաստանն առժամանակ մի կողմ է դնում իր այդ մտադրությունները և փորձում է հանդես գալ՝ որպես եռանախագահության անդամներից մեկը»,- այսօր լրագրողների հետ հանդիպման ընթացքում այս մասին ասաց Քաղաքական և միջազգային հետազոտությունների հայկական կենտրոնի փորձագետ, քաղաքագետ Ռուբեն Մեհրաբյանը։
«Նույնիսկ ծիծաղելի էր, որ իմ կողմից հարգված մի երաժիշտ դիմեց հայ ժողովրդին, ասելով, թե ամերիկյան խնձորը վատն է, քանի որ Monsanto-ն է զբաղվում դրանով։ Monsanto-ն ընդհանրապես խնձորի հետ գործ չունի, նա հիմնականում 4-5 ուղղությամբ է զբաղվում»,- այսօր լրագրողների հետ հանդիպման ընթացքում անդրադառնալով Սերժ Թանկյանի գրառմանը, այս մասին ասաց Ագրարագյուղացիական միավորման նախագահ Հրաչ Բերբերյանը։
«Դա նրա սրբազան գործն է, հարկատուից էլ աշխատավարձ է ստանում իր ապարատով, հո ձրիակերների ապարատ չէ՞։ Պետք է հասնի վարչապետին, որ վարչապետը հանձնարարի՞ իրեն՝ սրանով զբաղվել»։
Մեր այն հարցին, թե Թուրքիայի կողմից S-400-ների ձեռքբերումն ի՞նչ հետևանքներ կարող է ունենալ մեզ համար, նա պատասխանեց, որ բանակցությունները դրական ընթացք են ունենում, բայց պետք է արձանագրել, որ S-400-ները դեռևս Թուրքիայում չեն:
«Սիրիայում սկսվում է հետպատերազմյան փուլ։ Իհարկե, դեռևս շատ վաղ է կանխատեսումներ անել, որ այդ խաղաղ կարգավորման գործընթացը հաջողությամբ կավարտվի, բայց, ամեն դեպքում, հույսեր կան»,-այսօր լրագրողների հետ հանդիպման ընթացքում այս մասին ասաց Արևելագիտության ինստիտուտի տնօրեն, թուրքագետ Ռուբեն Սաֆրաստյանը:
«Ադրբեջանը այդքան էլ հետաքրքրված չէ ԵՄ-ին միանալու հարցով, նրան պետք է ԵՄ աջակցությունը՝ Արցախում պատերազմ սկսելու համար: Հարցն այն է, թե ԵՄ-ն կտա՞ այդ տեղեկանքը, թե՞ ոչ»:
Քաղաքական վերլուծաբան (Թբիլիսի) Գելա Վասաձեի կարծիքով՝ Շրջանակային և Ասոցացման համաձայնագրերի հիմնական տարբերությունն այն է, որ երկրորդը ներառում է նաև ազատ առևտրի ռեժիմ:
Գլոբալիզացիայի և տարածաշրջանային համագործակցության վերլուծական կենտրոնի խորհրդի նախագահ Ստեփան Գրիգորյանի կարծիքով՝ ՀՀ-ԵՄ շրջանակային համաձայնագիրը շատ օգտակար է Հայաստանի համար, թեև չի ներառում ԵՄ-ի հետ ազատ առևտրի գոտին:
Մամուլում շրջանառվող լուրերի համաձայն՝ ռուսական «Բիլայն» ընկերությունը բանակցություններ է սկսել «ՌոսՏելեկոմը» գնելու համար:
«Լավրովի այցը սովորական այց էր: Հասկանալի է, որ այն Արցախի հարցի քննարկման համար էր: Այդ քննարկումը եղել է, և ակնհայտ է, որ ոչ մի լուրջ փոփոխություն կամ զարգացում Արցախի հարցում այս փուլում սպասել պետք չէ»,- այսօր լրագրողների հետ հանդիպման ժամանակ ասաց քաղաքագետ Ալեքսանդր Իսկանդարյանը:
Եվրասիա համագործակցության հիմնադրամի ծրագրերի ղեկավար, «Հանուն գիտության զարգացման» 2004թ. նախաձեռնության անդամ Միքայել Հովհաննիսյանն այսօր «Հոդված 3» մամուլի ակումբում կազմակերպված «Տարկետման իրավունք․ կրթության և գիտության զարգացման վրա ազդեցության խնդիրները» թեմայով քննարկման ժամանակ հիշեցրեց, որ ՊՆ-ի հիմնական փաստարկները երկուսն էին՝ կոռուպցիոն ռիսկերի նվազեցում և սոցիալական արդարության հաստատում, որոնք, ըստ նրա՝ քննադատության չեն դիմանում:
«Ազատ քաղաքացի» հ/կ-ի նախագահ Հովսեփ Խուրշուդյանն այսօր «Հոդված 3» մամուլի ակումբում կազմակերպված «Տարկետման իրավունք․ կրթության և գիտության զարգացման վրա ազդեցության խնդիրները» թեմայով քննարկման ժամանակ ասաց, որ տարկետման իրավունքի վերացման շուրջ ծավալվող քննարկումը բանակ չգնալու մասին է:
Ազգագրագետ Հրանուշ Խառատյանի կարծիքով՝ սկզբունքորեն ապացուցված է, որ անընդհատ կրթությունն ավելի արդյունավետ է: Այսօր «Հոդված 3» ակումբում կազմակերպված «Տարկետման իրավունք․ կրթության և գիտության զարգացման վրա ազդեցության խնդիրները» թեմայով քննարկման ժամանակ ազգագրագետն ընդգծեց՝ չի բացառվում նաև, որ բանակից հետո էլ մարդը կրթությունը շարունակելու ցանկություն ունենա և զբաղվի գիտությամբ:
ԳԱԱ Ֆիզիկական հետազոտությունների ինստիտուտի գիտաշխատող Հրայր Ազիզբեկյանն այսօր «Հոդված 3» ակումբում կազմակերպված «Տարկետման իրավունք. կրթության և գիտության զարգացման վրա ազդեցության խնդիրները» թեմայով քննարկման ժամանակ ասաց, որ «Ազգ-բանակ» կոնցեպտն այլասերված ձևով են փորձում ներկայացնել:
«ՆԱՏՕ-ի կանոնադրության մեջ հատուկ դրույթ չկա, որն արգելի ՆԱՏՕ-ի անդամ որևէ երկրի՝ այլ երկրներից սպառազինություն ձեռք բերել, կան որոշ օրինակներ։ Այսինքն՝ սա գործնականում դրսևորված մոտեցում է. ՆԱՏՕ-ի անդամ տարբեր երկրներ համագործակցում են ոչ ՆԱՏՕ-ի անդամ երկրների հետ, գնում են սպառազինություն»:
Թուրքիայի հասարակական-քաղաքական գործիչ Րաֆֆի Հերմոն Արաքսն այսօր լրագրողների հետ հանդիպման ընթացքում ասաց, որ Թուրքիայում վերջին շրջանում շատ արագ առաջխաղացումներ են լինում. ««Արդարություն և զարգացում» կուսակցության անդամ որոշ քաղաքապետների կուսակցությունը ստիպեց հրաժարական տալ։ Դա Թուրքիայի պատմության մեջ չլսված բան էր։ ԱԶԿ-ն, որն ի սկզբանե ասում էր, թե հակաիթթիհատական է, դեմ է քեմալիստներին, բայց Աթաթուրքի մահվան օրն ամբողջ Թուրքիայում հարգանքի տուրք էին մատուցում նրան»։
Ամերիկահայ գրող, հրապարակախոս, Բաքվի փախստական Աննա Աստվածատուրյան-Տերկոտը, ով օրերս Մոսկվայում և Սանկտ Պետերբուրգում ներկայացրել է իր «Изгнание в никуда» գիրքը, այսօր լրագրողների հետ հանդիպման ընթացքում ասաց, որ գրքում գրել է 1988-1992 թվականներին Ադրբեջանում տեղի ունեցած հայերի ցեղասպանության մասին։
«Սովորական ցեղասպանություն» նախագծի ղեկավար Մարինա Գրիգորյանն այսօր լրագրողների հետ հանդիպման ընթացքում ասաց, որ Սումգայիթի ողբերգության 30-ամյակին նվիրված՝ իրականացնելու են մի շարք նախագծեր։
«1988թ. փետրվարը ցույց տվեց, որ հայությունը ոչնչացնելու, իրեն չպատկանող հողերը բռնակցելու քաղաքականությունը շարունակական բնույթ ունի։ Ադրբեջանը ոչ միայն չի հրաժարվում դրանից, այլև պաշտոնական մակարդակով կրկնում են դա։ Համայն հայությունը վտանգի տակ է»։
ԱՄՆ դեսպանատան օժանդակությամբ այսօր՝ նոյեմբերի 17-ին, կայացավ Կարիերայի և ձեռնարկատիրության տոնավաճառը։ Միջոցառման շրջանակում հանդիպելու հնարավորություն ստացան աշխատանք փնտրողներն ու աշխատանք առաջարկողները։ Տոնավաճառին մասնակցող գործատուներն ունեին շուրջ 180 թափուր աշխատատեղ և ցանկանում էին դրանք համալրել Հայաստանի լավագույն կադրերով։
«Աշխատատեղեր Հայաստանում կան, կարող եմ դա հաստատել։ Այստեղ ներկա գործատուների հետ զրուցելու առիթ ունեցա, տարբեր ոլորտի մասնագետների կարիք զգացվում է նրանց մոտ»:
2017 թվականի նոյեմբերի 23-ին «ԳԼՈԲԱԼ ԿՐԵԴԻՏ» ՈՒՎԿ ՓԲԸ-ն նախատեսում է իրականացնել անվանական արժեկտրոնային դոլարային և դրամային պարտատոմսերի թողարկում և հրապարակային տեղաբաշխում: Այս մասին լրագրողներին տեղեկացրեց «ԳԼՈԲԱԼ ԿՐԵԴԻՏ» ՈՒՎԿ ՓԲԸ գործադիր տնօրենի տեղակալ Արամ Ղուկասյանը։
Արաբագետ Սարգիս Գրիգորյանի կարծիքով՝ Սաուդյան Արաբիայում հետաքրքիր գործընթացներ են տեղի ունենում։ Այսօր լրագրողների հետ հանդիպման ընթացքում նա ասաց, որ Սաուդյան Արաբիայի թագավորի որդին իր դիրքերն ամրապնդում է դեպի իշխանություն. «Այնտեղ իշխանությունն անցնում է թագավորության հիմնադիրի որդիներին, բայց հիմա կարող է անցնել միապետի որդուն։ Ձերբակալվել են այն ֆիգուրները, որոնք բավական ազդեցիկ էին և մնացել էին ինքնուրույն»։
168.am-ի հետ բացառիկ զրույցում դերասանուհին անկեղծորեն նշեց, որ սիրում է իր ծննդյան օրը։ «Սա հնարավորություն է, որն Աստված ինձ տվել է՝ այս աշխարհը վայելելու համար։ Չնայած՝ մեծանում եմ»,- ասաց նա։
«Այսօր աշխարհաքաղաքական վիճակն այնպիսին է, որ Ռուսաստանը, Թուրքիան և Իրանը համագործակցում են, որովհետև ամերիկյան քաղաքականությունը նրանց ստիպում է լինել միասին շատ խնդիրների լուծման շուրջ»,- այսօր լրագրողների հետ հանդիպման ընթացքում այս մասին ասաց արտակարգ և լիազոր դեսպան Արման Նավասարդյանը։
Արտակարգ և լիազոր դեսպան Արման Նավասարդյանն այսօր լրագրողների հետ հանդիպման ընթացքում անդրադառնալով Էրդողան-Պուտին հանդիպմանը՝ նշեց, որ այն այս տարվա ընթացքում 16-րդ շփումն էր երկու նախագահների միջև։ Նրա խոսքով՝ եղել է 4 հանդիպում և 12 հեռախոսազանգ, ինչը վկայում է այդ երկրների հարաբերությունների զարգացման մասին։
«Այսօր մենք ականատես ենք մի շարք միջնորդավորված պատերազմների, միջազգային հակասությունների, որոնք, ըստ էության, արտացոլում են այդ երկու պետությունների առճակատումը»։
«Սիրիայում պատերազմը մոտենում է ավարտին։ Սիրիան թևակոխում է հետպատերազմյան ժամանակաշրջան, քանի որ սիրիական իշխանությունները հայտարարել են, որ իրենք վերահսկում են տարածքների 90 տոկոսից ավելին»: