Իսրայելը Գազայի հատվածում ՀԱՄԱՍ-ի օբյեկտ է խոցել ի պատասխան սահմանի խախտման
Իսրայելացի զինվորականներն ապրիլի 9-ին Գազայի հատվածում հարված են հասցրել ՀԱՄԱՍ-ի ռազմական օբյեկտին ի պատասխան ապրիլի 8-ին ծովամերձ միջատարածքից հրեական պետության տարածք պաղեստինցիների խմբի ներթափանցման փորձի:
Այս մասին, ինչպես հաղորդել է ՏԱՍՍ-ը, ասված է Իսրայելի Պաշտպանության բանակի մամուլի ծառայության տարածած պաշտոնական հաղորդագրության մեջ։
«Ապրիլի 9-ին բանակը Գազայի հատվածի հյուսիսային մասում հարված է հասցրել ՀԱՄԱՍ ահաբեկչական կազմակերպությանը պատկանող թիրախին,- ասված է փաստաթղթում:- Գրոհը կատարվել է ի պատասխան ապրիլի 8-ի կիրակի օրն ահաբեկչական խմբի ներթափանցման եւ (սահմանին) ինքնաշեն պայթուցիկ սարքի տեղադրման փորձի»:
Զինվորականները հավելել են, որ «բանակն ահաբեկչական թիրախին հարված է հասցրել ՀԱՄԱՍ-ի ռազմական օբյեկտի տարածքում»: Պաղեստինի պաշտպանության նախարարության տեղեկատվությամբ՝ մարտ ամսվա վերջից Գազայի հատվածի եւ Իսրայելի սահմանին տեղի ունեցած ընդհարումների հետեւանքով զոհվել է շուրջ 30 պաղեստինցի, եւս մոտ 3 հազարը տուժել է:
