Թուրքիա-Լիբիա առևտրի ծավալը հասել է 3.5 մլրդ դոլարի
Թուրքիայի արտաքին գործերի նախարար Հաքան Ֆիդանը երկօրյա պաշտոնական այցով մեկնում է Լիբիա։ Այցի ընթացքում նա բարձր մակարդակի հանդիպումներ կունենա Տրիպոլիում և Բենգազիում։ Հանդիպումների ընթացքում կքննարկվեն երկկողմ հարաբերությունները, տնտեսական, քաղաքական, առևտրային, էներգետիկ ու ռազմական ոլորտներին առնչվող հարցեր։ Այս մասին տեղեկացնում է ermenihaber.am-ը։
Բացի այդ անդրադարձ կկատարվի պաղեստինյան հարցին, Պարսից ծոցում և Հորմուզի նեղուցում տեղի ունեցող զարգացումներին։ Նշենք, որ երկրների առևտրի ծավալը հասել է 3.5 մլրդ դոլար ու նրանք զարգացնում են նաև էներգետիկ համագործակցությունը։
Մասնավորապես Թուրքիայի նավթային ընկերություն «TPAO» կողմից հունիսին ստորագրված նավթահանքերի վերաբերյալ համաձայնագրից բացի, օրակարգում են նաև թուրքական ընկերությունների կողմից երկրում իրականացվող նախագծերը՝ 2.3 մլրդ դոլարի արժողությամբ:
