Ստեֆան դե Միստուրան հրաժարվել է իր մանդատի երկարաձգման մասին հարցին պատասխանելուց
Սիրիայի հարցով ՄԱԿ-ի հատուկ բանագնաց Ստեֆան դե Միստուրան հրաժարվել է իր մանդատի երկարաձգման մասին հարցից պատասխանելուն: Այս մասին գրում է «ՌԻԱ Նովոստի»-ն:
«Եկեք պայմանավորվենք այսպես: Եթե և երբ դուք լսեք ուղղակիորեն ՄԱԿ-ի գլխավոր քարտուղարից կամ ինձնից այդ մասին, ապա այդ ժամանակ էլ կարող ենք նշված խնդիրը լուրջ ընդունել»,- ասել է դե Միստուրան` ի պատասխան լրագրողի հարցին:
Լրագրողները փորձել են մի քանի անգամ էլ այլ ձևակերպումներով նույն հարցին պատասխան ստանալ, սակայն ՄԱԿ-ի բանագնացը հրաժարվել է պատասխանելուց:
Ստեֆան դե Միստուրայի մանդատը սպառվում է այս տարվա մարտի 31-ին:
