Ինչպես փրկել խամրած մազերը. օգտակար դիմակներ

Steptohealth.ru կայքը գրում է, որ մազերի փայլը վերադարձնելը դժվար խնդիր է: Եթե մազերը խամրում են, դա ոչ միայն էսթետիկ խնդիր է, այլև խոսում է մազերի առողջության լուրջ խնդիրների մասին: Մազերը փայլը կարող են կորցնել բազմաթիվ պատճառներով՝ սխալ սնուցում, կլիմա, արևի ճառագայթների ազդեցություն, մազերը հարդարելու միջոցների ագրեսիվ ազդեցություն: Մազերի խամրածությունից խուսափելու նպատակով հետևեք այս խորհուրդներին.

աշխատեք մազերը չորացնել բնական ճանապարհով՝ առանց ֆենի օգտագործման,
մազերը ներկելուց հետո հանգիստ տվեք դրանց,
աշխատեք բալզամները փոխարինել բնական կոնդիցիոներներով,
օգտագործեք հատուկ շամպուններ, որոնք մազերին կվերադարձնեն փայլը,
ամեն անգամ լվանալուց հետո մազերը թրջեք սառը ջրով,
հետևեք ձեր սննդակարգին: Դրանում ավելացրեք մթերքներ, որոնք Omega 3 թթուներ և B խմբի վիտամիններ են պարունակում՝ նուշ, կաթնամթերք, և այլն,
ժամանակ առ ժամանակ հատուկ ամպուլաներ օգտագործեք, որոնք պարունակում են մազերի առողջության համար անհրաժեշտ նյութեր:

Բնական միջոցներ՝ մազերի փայլը վերադարձնելու համար

Ձվով և մեղրով դիմակ- 1թեյի գդալ մեղը խառնեք 1 ձվի դեղնուցի հետ, մինչև միատարր զանգված ստացվի, քսեք մազերին և մերսեք գլխի մաշկը: Մազերը փաթաթեք ցելոֆանով, ապա տաք սրբիչով: Դիմակը գլխին թողեք 10 րոպե, ապա լվացեք: Մազերին փայլ հաղորդելու համար շամպուն օգտագործեք: Խորհուրդ է տրվում դրանից հետո մազերին քսել կիտրոնի հյութ և խնձորի քացախ:
Միջին մեծության ամանի մեջ թարմ ռոզմարինի մի քանի ճյուղ և ջուր լցրեք: Այն գազի վրա թողեք մոտ 15 րոպե, ապա թողեք սառչի: Ստացվածը քսեք մազերին լվանալուց հետո և մի լվացեք մազերը:
Մաքրեք գազարը, մանրացրեք բլենդերի մեջ, ավելացրեք 1 ձվի դեղնուց, ավելացրեք ավոկադոն: Լավ խառնեք բոլոր բաղադրիչները՝ մինչև միատարր զանգված ստացվի: Դիմակը մազերին պահեք 20 րոպե, ապա լվացեք տաք ջրով:
2 բանանից պյուրե պատրաստեք, իսկ 2 նարնջի հյութը քամեք, ավելացրեք 5 թեյի գդալ մեղր: Ստացված զանգվածը քսեք մազերին, թողեք 2 ժամ: Մազերը փաթաթեք ցելոֆանով և սրբիչով: 2 ժամ անց մազերը լվացեք սովորական ձևով:

Թարգմանությունը 168.am-ի