Արցախում վերջին հրաժեշտը տվեցին զոհված զինվորին
Ինչպես հայտնի է, մայիսի 27-ի լույս 28-ի գիշերը` ժամը 02:55-ի սահմաններում` ղարաբաղա-ադրբեջանական հակամարտ զորքերի շփման գծի հարավային ուղղությամբ հակառակորդի ձեռնարկած հերթական հետախուզադիվերսիոն ներթափանցման փորձը կանխելու ժամանակ զոհվել է ՊԲ զինծառայող, եֆրեյտոր, 1995թ. ծնված Էրիկ Վիլերի Գասպարյանը:
Այսօր հայրենիքի պաշտպանությանը նահատակված զինվորին վերջին հրաժեշտը տվեցին նրա հարազատները, հարյուրավոր քաղաքացիներ:
Զինվորի հարազատների վիշտը կիսելու էին եկել նախագահ Բ. Սահակյանը, պետական այրեր, բարձրաստիճան սպաներ, ծառայակից ընկերներ:
Երկրային կյանքի իր հանգրվանը Էրիկը լքեց պատվո պահակախմբի ու զինվորական նվագախմբի ուղեկցությամբ: Հոգեհանգստի և թաղման արարողակարգը կատարեց Արցախի թեմի փոխառաջնորդ Սահակ վարդապետ Շաքարյանը: ԶԻնվորի աճյունը ամփոփվեց պապական գյուղում, Շոշի գերեզմանոցում:
Նշենք, որ ՊՆ Մ. Հակոբյանը Երևանում է՝ ՀՀ Պաշտպանության նախարարին կից կոլեգիայի նիստին մասնակցելու համար: Երեկ ՊԲ այցելել էր որդեկորույս ծնողներին, կիսել ծանր կորստյան վիշտը և իր զորկացությունը հայտնել ընտանիքին:
karabakh-life.am
