Սեպտեմբերի 25-26-ին Արեգակի վրա հնարավոր են ուժեղ բռնկումներ
Սեպտեմբերի 25-ին և 26-ին Արեգակի վրա կարող են առաջանալ «M» դասի ուժեղ բռնկումներ: Կանխատեսումն արել են Մոսկվայի Կիրառական երկրաֆիզիկայի ինստիտուտում։
Ըստ մասնագետների՝ առաջիկա երկու օրերին արեգակնային ակտիվությունն ընդհանուր առմամբ ցածր կմնա, սակայն չեն բացառվում «М» դասի բռնկումները:
Սեպտեմբերի 25-ին գեոմագնիսական դաշտը կարող է անկայուն լինել: Հաջորդ օրը սպասվում է առավելապես հանգիստ վիճակ՝ առանձին ժամանակահատվածներում` անկայունությամբ:
Կանխատեսվում է, որ ռադիացիոն վիճակը հանգիստ կլինի։ Դրա հետ մեկտեղ, առանձին ժամերին հնարավոր է կարճալիք ռադիոկապի պայմանների վատթարացում։
