Սալոմե Զուրաբիշվիլին որոշել է դառնալ Թբիլիսիի քաղաքապետ
Грузия Online-ի փոխանցմամբ՝ Վրաստանի նախկին (2004-2005 թվականներ) արտգործնախարար Սալոմե Զուրաբիշվիլին ցանկություն է հայտնել դառնալ Թբիլիսիի քաղաքապետ:
Դրա հետ կապված՝ այսօր նա ԿԸՀ է ներկայացնելու Թբիլիսիի քաղաքապետի ընտրություններին մասնակցելու մասին հայտ: Թբիլիսիի քաղաքապետի պաշտոնին հավակնողների գրանցման գործընթացի ժամկետն սպառվում է այսօր, ժամը 18.00-ին:
Հիշեցնենք, որ Վրաստանի ԿԸՀ-ը մոտ 10 օր առաջ ավարտել է տեղական ինքնակառավարման մարմինների (ՏԻՄ) ընտրություններում կուսակցությունների գրանցման գործընթացը: Վրաստանում ՏԻՄ ընտրություններն անցկացվելու են հունիսի 15-ին:
