97 տարեկանում մահացել է Չինաստանի նախկին վարչապետ Չժու Ժունցզին
Չինաստանի նախկին վարչապետ Չժու Ժունցզին, որի շուկայական բարեփոխումները նպաստեցին երկրի տնտեսական բացառիկ վերելքին, մահացել է 97 տարեկանում:
Նրա առավել հայտնի բարեփոխումներից էին անարդյունավետ պետական ձեռնարկությունների մասնավորեցման ծրագիրը, քաղաքային բնակարանների մասնավորեցումը և բնակարանների սեփականության խթանումը։
«Նա իր ողջ կյանքը նվիրեց ժողովրդին ծառայելուն և կոմունիստական գործին», – ասված է մահախոսականում։
Չժու Ժունցզին Չինաստանի վարչապետն էր 1998-2003 թվականներին։
Երբ դանիացի լրագրողը վարչապետ Չժու Ժունցզիին հարցրել էր, թե ինչով կցանկանար, որ իրեն հիշեր Չինաստանի ժողովուրդ, նա պատասխանել էր. – «Ես միայն հույս ունեմ, որ պաշտոնից հեռանալուց հետո ամբողջ երկրում մարդիկ կասեն՝ նա ազնիվ պաշտոնյա էր, ոչ թե կոռումպացված, և ես լիովին գոհ կլինեմ»։
Ըստ The Wall Street Journal-ի՝ Չժու Ժունցզին 2022-ին տարաձայնություններ է ունեցել Չինաստանի ներկայիս ղեկավարության հետ։
